जळगाव ( प्रतिनिधी ) – शहरातील गणपतीनगरातील बंद घराचे कुलूप तोडून ऐवज लांबविण्याऱ्या दोन जणांना तांबापुर परिसरातून स्थानिक गुन्हे शाखेच्या पथकाने बुधवारी सायंकाळी अटक केली रामानंदनगर पोलिस ठाण्यात दोघांवर गुन्हा दाखल आहे.
१६ नोव्हेंबररोजीची ही घरफोडी १८ नोव्हेंबररोजी उघडकीला आली होती रामानंदनगर पोलिस ठाण्यात गुन्हा दाखल करण्यात आला होता. संशयित आरोपी जळगावात असल्याची गोपनिय माहिती स्थानिक गुन्हे शाखेचे पो नि किरणकुमार बकाले यांना मिळाली. स्थानिक गुन्हे शाखेच्या पथकातील सहाय्यक फौजदार युनूस शेख, पो हेकॉ राजेश मेढे, संदीप पाटील, संतोष मायकल यांनी तांबापुरा भागात पेट्रोलिंग करतांना संशयित आरोपी फरीद उर्फ बुल्ली अहमद मुलतानी (रा. अजमेरी गल्ली तांबापुरा ) याला ताब्यात घेतले. त्याची चौकशी केली त्याने गणपतीनगरातील घरफोडीची कबुली दिली ही घरफोडी त्याचा मित्र श्याम सुभाष तानसर (वय-१९ रा. रामेश्वर कॉलनी ) यांनी मिळून केल्याचे सांगितले. स्थानिक गुन्हे शाखेच्या पथकाने दोघांना अटक केली
