मुंबई ( प्रतिनिधी ) – मोबाईल वॉलेट कंपनी पेटीएमने आयपीओ लॉंच केला आहे. सुरुवात सुस्त असली तरी कंपनीने एका झटक्यात त्यांच्या ३५० कर्मचाऱ्यांना करोडपती बनवले.
यावेळी शेअर बाजारात लिस्टिंग होण्यापूर्वीच कंपनीचे ३५० कर्मचारी करोडपती झाले आहेत. कंपनीची सूची १८ नोव्हेंबररोजी होणार आहे, त्यापूर्वी पेटीएमच्या २.५ बिलियन डॉलर्स आयपीओमुळे कार्यरत आणि सेवानिवृत्त कर्मचार्‍यांचा समावेश असलेल्या ३५० कर्मचार्‍यांची संपत्ती १ कोटी रुपये असणार आहे. कंपनीच्या या कर्मचाऱ्यांनी पेटीएममध्ये गुंतवणूकदार म्हणून भागीदारी केली होती.
कंपनीच्या या शेअर्सचे वाटप १५ नोव्हेंबरला होणार आहे, लिस्टिंग १८ तारखेला होणार आहे. आयपीओची किंमत २०८० ते २१५० रुपये आहे. बाजारात १८३०० कोटी रुपयांचा आयपीओ जारी केला, ज्याला शेवटच्या दिवशी १.८९ पट सबस्क्रिप्शन मिळाले. त्यामुळे हा देशातील सर्वात मोठा आयपीओ ठरला आहे, याआधी फक्त कोल इंडियाने १५०० कोटींचा आयपीओ आणला आहे.
