जळगाव ( प्रतिनिधी ) – शहरातील मेहरूण तलाव परिसरातून तरुणाची ३० हजार रुपये किमतीची दुचाकी अज्ञात चोरट्याने चोरून नेल्याचे उघडकीला आले आहे. एमआयडीसी पोलिस ठाण्यात गुन्हा दाखल करण्यात आला आहे.
अरबाज शहा नादर शहा (वय-२० , रा. दूध डेअरी गल्ली, मास्टर कॉलनी) हा तरुण मिस्तरी काम करून उदरनिर्वाह करतो. कामासाठी त्याच्याकडे एमएच १९ डीडी ५९१६क्रमांकाची दुचाकी आहे. ५ नोव्हेंबररोजी सायंकाळी मेहरून तलाव परिसरात जे.के. पार्कसमोर अरबाजने दुचाकी लावली. नंतर अज्ञात चोरट्याने दुचाकी चोरून नेली. अरबाज शहा यांच्या फिर्यादीवरून एमआयडीसी पोलीस ठाण्यात अज्ञात चोरट्यांवर गुन्हा दाखल करण्यात आला आहे. पुढील तपास पो ना मिलिंद सोनवणे करीत आहेत .
