नवी दिल्ली ( वृत्तसंस्था ) – आगामी विधानसभा निवडणुकींच्या पार्श्वभूमीवर भाजपा राष्ट्रीय कार्यकारिणीची देशातील ३०० नेत्यांची दिल्लीत बैठक आयोजीत करण्यात आलेली आहे.
विधानसभा निवडणुकीतीसाठी रणनीतीवर चर्चा होणार आहे ही बैठक 7 नोव्हेंबर रोजी सकाळी सुरू होणार असून दुपारी 4.30 वाजेपर्यंत चालणार आहे. बैठक पक्षाध्यक्ष जेपी नड्डा यांच्या भाषणाने सुरू होईल आणि पंतप्रधान नरेंद्र मोदी यांच्या भाषणाने संपेल. देशभरातून ३०० नेते या बैठकीत उपस्थित राहणार आहेत
सर्व राज्यातील प्रदेशाध्यक्ष, संघटना मंत्री आणि राष्ट्रीय कार्यकारिणीचे सदस्य व्हिडिओ कॉन्फरन्सिंगद्वारे एकत्रितपणे पक्षाच्या प्रदेश कार्यालयाशी संपर्क साधणार आहेत. चर्चेचे स्वरूप ऑनलाइन आणि ऑफलाइन असे असणार आहे. सर्व राजकीय मुद्दे, आर्थिक आणि परराष्ट्र धोरणाच्या मुद्द्यांचा समावेश असेल. भाजपने उत्तर प्रदेश, गोवा, पंजाब, मणिपूर आणि उत्तराखंडमध्ये होणाऱ्या विधानसभा निवडणुकीची तयारी सुरू केली आहे.
