भोपाळ ( वृत्तसंस्था ) – ग्वाल्हेरमध्ये 19 वर्षीय तरुणीवर बलात्कार झाला पीडित तरुणी उत्तरप्रदेशातील झाशीची रहिवासी असून ती मध्य प्रदेशातील शिवपुरी येथे राहून पोलीस भरती परीक्षेची तयारी करत होती. एका फेसबुक फ्रेंडने नोकरीसाठी मुलाखत देण्याच्या बहाण्याने ग्वाल्हेरला बोलावून तिच्यावर बलात्कार केल्याचा आरोप आहे.
पीडित तरुणी आणि आरोपी तरुण या दोघांची फेसबुकवर 2 महिन्यांपूर्वी मैत्री झाली आरोपीने तिला नोकरीच्या मुलाखतीच्या बहाण्याने ग्वाल्हेरला बोलावले. ती ग्वाल्हेरला आल्यावर मुलाने तिला बहोदापूर येथील भाड्याच्या खोलीत नेले आणि झोपेच्या गोळ्या मिसळलेले शीतपेय दिले. ती बेशुद्ध झाल्यावर तरुणाने तिच्यावर बलात्कार केला आणि तिचा व्हिडीओ शूट केला.
बलात्कारानंतर आरोपीने विद्यार्थिनीची कागदपत्रेही स्वतःजवळ ठेवली. रविवारी आरोपीने तिला कागदपत्रे देण्याच्या बहाण्याने पुन्हा बोलावले आणि तिच्यावर पुन्हा बलात्कार केला. परंतु कागदपत्रे परत केली नाहीत. विद्यार्थिनीला डीआरपी लाईनच्या बाहेर सोडले. अखेर तिने बहोरापूर पोलीस ठाणे गाठून एफआयआर दाखल केला.
दोन महिन्यांपूर्वी आरोपी विद्यार्थ्याने फेसबुकवर संबंधित तरुणीला फ्रेंड रिक्वेस्ट पाठवली होती. दोघांमध्ये मोबाईलवर संवाद सुरू झाला. तरुणीने त्याला आपल्यासाठी एखादी चांगली नोकरी शोधण्यास सांगितले. नोकरीच्या मुलाखतीसाठी या मुलाने विद्यार्थिनीला 19 ऑक्टोबर रोजी ग्वाल्हेरला बोलावले.
दोन वेळा अत्याचार केल्यानंतरही तरुणाने तिची कागदपत्रे परत केली नाहीत. बहोदापूर पोलिसांनी मुलीची वैद्यकीय तपासणी केली आहे. आरोपी आवेशला पकडण्यासाठी पोलिसांचे पथक रवाना झाले आहे.
