पाचोरा (प्रतिनिधी ) – ऐन दिवाळीत विज वितरण कंपनीने पाचोरा, भडगाव, पारोळा तालुक्यातील विज कनेक्शन कट करण्याची धडक मोहीम सुरू असुन ती थांबवण्यासाठी पाचोरा काॅग्रेसने आज महावितरण कार्यालयावर मोर्चा काढला
पाचोरा, भडगाव, पारोळा शहर व तालुक्यात विज वितरण कंपनीने ऐन दिवाळीत थकीत बिल वसुलीसाठी धडक मोहीम सुरू केली असून अनेकांचे विज खंडीत करीत आहेत शेतकरी वैतागले आहेत. घरगुती कनेक्शन कट झाल्याने दिवाळी अंधारात जाते की काय असा प्रश्न उपस्थित होत आहे.
पाचोरा काॅग्रेसने तालुकाध्यक्ष सचिन सोमवंशी यांच्या नेतृत्वाखाली विज वितरण कंपनीच्या विभागिय कार्यालयात धडक देऊन कार्यकारी अभियंता रामचंद्र चव्हाण यांची भेट घेतली शहर अध्यक्ष अॅड अमजद पठाण, तालुका सरचिटणीस प्रताप पाटील, शेख इस्माईल , महिला तालुकाध्यक्ष अॅड. मनिषा पवार, जिल्हा सचिव कुसुम पाटील, उपाध्यक्षा संगिता नेवे, आरोग्य सेवा सेल जिल्हा सचिव डॉ. अनिरुद्ध साळवे, सोशल मीडिया विधानसभा अध्यक्ष राहुल शिंदे, तालुकाध्यक्ष कल्पेश येवले, समाधान ढाकरे, यश साळुंखे, रवी पाथरवट आदींनी कार्यकारी अभियंता चव्हाण यांच्याशी चर्चा केली.
यावेळी निवेदन देण्यात आले. कार्यकारी अभियंता चव्हाण यांनी कॉंग्रेस पदाधिकारी यांना आश्वासित केले की कोणत्याही शेतकर्‍यांचे, पाणी पुरवठा योजना, स्ट्रिट लाईट यांचे कनेक्शन कट होणार नाही घरगुती आणि व्यापारींचे थकीत बिले परीस्थिती नुसार दोन दिवसांत वसुली करु दिवाळीचे तिन दिवस कोणाचेही कनेक्शन कट होणार नाही असे सांगितले.
