नाशिक ( प्रतिनिधी ) – सार्वजनिक आरोग्य विभागातील गट-क संवर्गाची लेखी परीक्षा 17 जिल्ह्याच्या मुख्यालयी 24 ऑक्टोबररोजी घेण्यात आली होती. गट-ड संवर्गाची लेखी परीक्षा रविवारी दुपारी 2 ते 4 या वेळेत सर्व जिल्ह्यात व काही तालुक्यातील परीक्षा केंद्रांवर घेण्यात येणार आहे. जिल्हा समन्व्यकांचे संपर्क क्रमांक जाहीर करण्यात आले आहेत
नाशिक विभागातील पाचही जिल्हयात गट-ड संवर्गासाठी 53 हजार 326 परिक्षार्थी नोंदणीकृत असून पाचही जिल्हयात 129 शाळेमध्ये पूर्वतयारी करण्यात आली आहे, अशी माहिती आरोग्य उपसंचालक डॉ. पी. डी. गांडाळ यांनी दिली आहे.
नाशिक जिल्हयात 27 हजार 03 नोंदणीकृत परीक्षार्थी असून 65 शाळेमध्ये नोंदणी करण्यात आलेली आहे. अहमदनगर जिल्हयात 8 हजार 191 नोंदणीकृत परीक्षार्थी असून 11 शाळांमध्ये नोंदणी करण्यात आलेली आहे. धुळे जिल्हयात 3 हजार 14 नोंदणीकृत परीक्षार्थी असून 06 शाळांमध्ये नोंदणी करण्यात आलेली आहे. जळगाव जिल्हयात 7 हजार 991 नोंदणीकृत परिक्षार्थी असून 27 शाळांमध्ये नोंदणी करण्यात आलेली आहे. नंदुरबार जिल्हयात 7 हजार 127 नोंदणीकृत परिक्षार्थी असून 20 शाळांमध्ये नोंदणी करण्यात आलेली आहे.
सर्व परिक्षा केंद्रांवर कोविड – 19 च्या पार्श्वभुमीवर दक्षता घेण्यात आली असुन सर्व परिक्षा केंद्रांवर केंद्रप्रमुख, सहाय्यक केंद्रप्रमुख व पर्यवेक्षक यांच्या नेमणुका मे.न्यासा कंपनीमार्फत करण्यात आल्या आहे. तरी देखील आरोग्य विभागाने खबरदारी म्हणुन आरोग्य विभागातील अधिकारी व कर्मचारी यांचे परीक्षा केंद्र निरीक्षक म्हणुन प्रत्येक केंद्रावर नियुक्त केलेले आहेत. हे निरीक्षक मे. न्यासा कंपनीच्या परीक्षा आयोजन कार्यपध्दतीवर लक्ष ठेवणार आहेत.
प्रत्येक जिल्हयाचे जिल्हा शल्य चिकित्सक यांना त्या त्या जिल्हयाकरीता भरती प्रक्रियेचे नोडल अधिकारी म्हणुन नियुक्त करण्यात आले आहे. न्यासा कंपनीकडुन पाचही जिल्हयासाठी जिल्हा समन्वयक नियुक्त करण्यात आले असुन त्यांचे संपर्क क्रमांक जाहीर करण्यात आले आहेत नाशिक जिल्हयासाठी ऋषीकेश उंडे ( 9730138760 ) , अहमदनगर जिल्हयासाठी सारिका सायगावकर ( 8484868543 ) , धुळे जिल्हयासाठी हितेश बोरसे ( 8007803920 ), जळगाव जिल्हयासाठी सानिका पवार ( 9503351461 ), नंदुरबार जिल्हयासाठी अशोक पाटील ( 7020336014 ) यांची नियुक्ती झाली आहे
नाशिकचे विभागीय व्यवस्थापक महेश पाटील यांची मे.न्यासा कंपनीने नेमणुक केलेली असुन त्यांचा संपर्क क्रमांक 9673069484
असा आहे. परिक्षार्थीना अडचण आल्यास जिल्हा समन्वयक किंवा झोनल मॅनजर यांचेशी संपर्क साधावा, असे आवाहन आरोग्य उपसंचालक डॉ. पी. डी. गांडाळ यांनी केले आहे.
