जळगाव ( प्रतिनिधी )- होमगार्ड्स जवानांनी कोरोनाकाळात नि:स्वार्थपणे विनावेतन राष्ट्रीय कर्तव्य पोलीस दलासोबत पार पाडले. जिल्हा पोलीस दलातर्फे या १४० जवानांना आज पोलिस कवायत मैदान येथे कोरोनायोद्धा म्हणून सन्मानित करण्यात आले.
याप्रसंगी जिल्हाधिकारी अभिजीत राऊत, पोलिस अधीक्षक डॉ.प्रविण मुंढे, जिल्हा होमगार्ड्स समादेशक तथा अपर पोलिस अधिक्षक चंद्रकांत गवळी, सहाय्यक पोलिस अधीक्षक कुमार चिंथा यांचे हस्ते १४० होमगार्ड्सना गौरवपत्र देऊन सन्मानित करण्यात आले.
अपर पोलिस अधिक्षक चंद्रकांत गवळी यांनी प्रास्ताविक केले. होम डीवायएसपी विठ्ठल ससे, एटीसी विभागाचे एएसआय भास्कर पाटील, प्रदिप बडगुजर, श्रावण पगारे, प्रविण पाटील, अजय पाटील, नवजित चौधरी, राहूल बैसाणे, प्रमोद वाड़ीले, प्रशिक्षक राजेश वाघ, देवीदास वाघ, सोपानदेव पाटील यांनी कार्यक्रमाचे नियोजन केले.
राखीव पोलीस निरीक्षक संतोष सोनवणे, वायरलेस विभागाचे पोलिस उप निरीक्षक संजय मराठे, पोलिस कल्याण विभागाचे रावसाहेब गायकवाड़, सतिश देसले यांनी सहकार्य केले. दहशतवाद विरोधी कक्षाचे पोलिस उपनिरीक्षक चंद्रकांत पाटील यांनी आभार मानले. बिनतारी संदेश विभागाचे अमित माळी यांनी सूत्रसंचालन केले.
