जळगाव ( प्रतिनिधी ) – बीएसएनएल कार्यालयासमोरच्या चांडक हॉस्पीटलसमोरून हातातील ६ हजार रूपये किंमतीचा मोबाईल अज्ञात चोरट्यांनी हिसकावून नेला जिल्हापेठ पोलीस ठाण्यात अज्ञात तीन जणांवर गुन्हा दाखल करण्यात आला आहे.
संतोष तुकाराम धाडी (वय-४८ , रा. लोणवाडी ता. जळगाव ) हे बसचालक आहेत. लोणवाडी येथे ते कुटुंबियांसह राहतात. २३ ऑक्टोबररोजी रात्री ८ वाजेच्या सुमारास ते चांडक हॉस्पिटलच्या बाजूला असलेल्या कन्स्ट्रक्शन समोरून पायी जात असतांना त्यांच्या मागून दुचाकीने अज्ञात तीन भामटे आले, त्यांच्या हातातील ६ हजार रूपये किंमतीचा मोबाईल हिसकावून दुचाकीवरून पळून गेले . यावेळी तिघांनी तोंडाला मास्क लावलेला होता.संतोष धाडी यांच्या फिर्यादीवरून जिल्हापेठ पोलीस ठाण्यात अज्ञात तीन जणांविरोधात गुन्हा दाखल करण्यात आला आहे. पुढील तपास पोहेकॉ फिरोज तडवी करीत आहेत .
