पहुर ता. जामनेर (प्रतिनिधी) – जामनेर तालुक्यातील लोणी शिवारात विहिरीतून तीन शेतकऱ्यांच्या १८ हजार रूपये किंमतीच्या इलेक्ट्रिक पानबुडी आणि कॉपर वायर अज्ञात चोरट्यांनी लांबविल्या पहूर पोलीस ठाण्यात गुन्हा दाखल करण्यात आला आहे.
अनंत काशिनाथ वाणी (वय-४५ , रा. लोणी ता. जामनेर ) यांचे लोणी शिवारातील गट क्रमांक १५० मध्ये शेत आहे. त्यांच्या शेतात विहिरीत असलेले पाणबुडीसह कॉपरची केबल वायर अज्ञात चोरट्यांनी चोरून नेल्याचे २० ऑक्टोबररोजी सकाळी उघडकीला आले. परिसरातील सुपडाबाई रामा काटे यांची ५ हजाराची पानबुडी पंप, अशोक किसन वाणी यांची ५ हजार रूपये किंमतीची इलेक्ट्रिक मोटारपंप असा एकुण १८ हजार रूपये किंमतीचा मुद्देमाल चोरून नेल्याचे उघडकीला आले आहे. अनंत वाणी यांच्या फिर्यादीवरून पहूर पोलीस ठाण्यात अज्ञात चोरट्यांविरोधात गुन्हा दाखल करण्यात आला आहे. पुढील तपास पोहेकॉ प्रविण चौधरी करीत आहेत.
