जळगाव ( प्रतिनिधी ) – वाहन घेण्यासाठी माहेरहून ३ लाख रूपये आणावे यासाठी विवाहितेचा छळ करणाऱ्या पतीसह पाच जणांवर एमआयडीसी पोलीस ठाण्यात गुन्हा दाखल करण्यात आला आहे.
शहरातील अयोध्या नगरातील माहेर असलेल्या मनिषा रमेश महाजन या विवाहितेचे भडगाव येथील रमेश हिरालाल महाजन यांच्याशी १३ फेब्रुवारी २००६ मध्ये लग्न झाले. लग्नानंतर दोन वर्षे सर्वांनी चांगली वागणूक दिली. त्यानंतर पती रमेश महाजन याने विवाहितेला माहेरहून गाडी घेण्यासाठी तीन लाख रूपये आणावे यासाठी तगादा लावला. आईवडीलांची परिस्थीती हालाखीची असल्याने पैसे दिले नाही. त्यामुळे पती रमेश महाजन यांनी शिवीगाळ, मारहाण करण्यास सुरूवात केली. याला प्रोत्साहन सासू, सासरे, दिर व नणंद यांनी दिले. या छळाला कंटाळून विवाहिता जळगाव येथील माहेरी निघून आल्या. त्यांनी एमआयडीसी पोलीसात तक्रार दिली. त्यांच्या तक्रारीवरून पती रमेश महाजन, सासू मिराबाई महाजन, सासरे हिरालाल महाजन, दिर प्रकाश महाजन ( सर्व रा. भडगाव ) आणि नणंद गिता माळी ( रा. मालेगाव जि. नाशिक ) यांच्याविरेाधात एमआयडीसी पोलीस ठाण्यात गुन्हा दाखल करण्यात आला आहे. पुढील तपास पो ना अतुल पाटील करीत आहे.
