यावल ( प्रतिनिधी ) – अट्रावल येथील शेत मजूराने शेतात गळफास घेवून आत्महत्या केल्याची घटना रात्री उघडकीला आली यावल पोलीस ठाण्यात गुन्हा नोंदविण्यात आला आहे.
अट्रावल येथील शेतमजुर भानुदास निळकंठ चौधरी (वय-४५) सोमवारी अट्रावल शिवारातील कालीदास निळकंठ चौधरी यांच्या शेतात गेले. शेताच्या बांधावरील निंबाच्या झाडावर दोरी बांधुन गळफास घेवुन आत्महत्या केल्याची घटना उघडकीस आली यावल पोलीस स्टेशनमध्ये कालीदास चौधरी यांनी खबर दिल्याने अक्समात मृत्युची नोंद करण्यात आली पुढील तपास पोलीस अमलदार अशोक जवरे करीत आहेत . मयत भानुदास चौधरी यांने आत्महत्या का केली हे मात्र स्पष्ट होवु शकले नाही, चौधरी शेतमजुरी करून कुटुंबाचा उदरर्निवाह करीत असे त्यांना दारूचे व्यसन होते. यावलच्या ग्रामीण रुग्णालयात वैद्यकीय अधिकारी डॉ. शुभम तिडके यांनी भानुदास चौधरी यांच्या मृतदेहाचे शवविच्छेदन केले.
