चाळीसगाव ( प्रतिनिधी ) – रोहीणी शिवारातील शेतातील पत्र्याच्या शेडमध्ये बांधलेली गाय आणि गोर्हा अज्ञात इसमाने चोरून नेल्याची घटना घडली असून गुन्हा दाखल करण्यात आला आहे.
रोहिणी येथील विलास घुगे (४९) यांच्या शेतातील बांधावरील पत्र्याच्या शेडमध्ये बांधलेला एक गोर्हा व गाय अज्ञात चोरट्यांनी लंपास केल्याची घटना उघडकीला आली आहे. २० हजार रुपये किंमतीचा गोर्हा विलास घुगे तर १५ हजार रुपये किंमतीची गाय रामहरी काटे यांच्या मालकीची होती.
विलास घुगे २१ सप्टेंबररोजी सायंकाळी गुरांना चारापाणी करून घरी निघून गेले. मात्र सकाळी ६ वाजता शेतात आले असता त्यांना गोरा व गाय बांधलेले दिसून आले नाही. घुगे यांनी परिसरात शोधाशोध केली. परंतु जणावरे मिळून न आल्यामुळे चाळीसगाव ग्रामीण पोलीस स्थानक गाठले त्यांच्या फिर्यादीवरून भादवी कलम-३७९ प्रमाणे अज्ञात चोरट्याविरुद्ध गुन्हा दाखल करण्यात आला आहे. पो नि संजय ठेंगे यांच्या निर्देशानुसार पुढील तपास पगारे हे करीत आहेत.
