चाळीसगाव ( प्रतिनिधी ) – जामडी शिवारातील शेतातील विहीरीत बुडून वयोवृद्ध व्यक्तीचा मृत्यू झाल्याची घटना आज सकाळी उघडकीला आली. पोलिसात अकस्मात मृत्यूची नोंद करण्यात आली आहे.
जामडी येथील शांताराम बापू मदने (वय-७१ , ह.मु. जामडी ता. चाळीसगाव) या वृद्धाचा जामडी शिवारातील विहीरीच्या पाण्यात बुडून मृत्यू झाल्याची घटना आज सकाळी सात वाजेच्या सुमारास उघडकीला आली आहे. या घटनेने परिसरात हळहळ व्यक्त होत आहे.
पोलिसांनी घटनास्थळी पाहणी केली. गणेश राजपूत यांच्या शेतातील विहिरीत हि घटना घडली आहे. तुषार राजपूत यांच्या खबरीवरून चाळीसगाव ग्रामीण पोलीस स्थानकात भादवी कलम – १७४ प्रमाणे अकस्मात मृत्यूची नोंद करण्यात आली आहे. पो.नि. संजय ठेंगे यांच्या निर्देशानुसार पुढील तपास सुरू आहे.
