जळगाव ( प्रतिनिधी ) – कोरोनाच्या सावटाखाली मंदावलेल्या औद्योगिक क्षेत्रांमध्ये पुन्हा उद्योग सुरू झाले असून उद्योगक्षेत्रातील विविध नामांकित कंपन्यांमध्ये बेरोजगार युवक – युवतींना रोजगाराची संधी उपलब्ध करून देण्यासाठी मानवतावादी आरोग्य क्षेत्रात कार्यरत रेड स्वस्तिक सोसायटी व युवकांसाठी कार्यरत सेवाभावी संस्था छत्रपती शिवाजी बिग्रेड यांच्या संयुक्त विद्यमाने श्री हरिनाथ मंगल कार्यालय, कृषी उत्पन्न बाजार समिती पारोळा येथे रविवारी दि. ३ ऑक्टोबर रोजी भव्य रोजगार मेळावाचे आयोजन करण्यात आले आहे.
नाशिक, पुणे (चाकण, तळेगाव, रांजणगाव आदी),मुंबई, ठाणे, सातारा, सांगली, कोल्हापूर, चिपळूण, रायगड, नागपूर, इत्यादी एमआयडीसीमधील नामांकित कंपन्यांमध्ये युवक-युवतींना रोजगाराच्या संधी मिळणार आहे. यामध्ये १०वी, १२वी, आयटीआय, सर्व ट्रेड, डिप्लोमा, पदवी, पदव्युत्तर आदी शैक्षणिक अर्हता प्राप्त युवक-युवतींनी सहभाग घ्यावयाचा आहे. तसेच या पदांसाठी वर्षे वयोमर्यादा वय वर्ष १८ ते ३० असणार आहे. कार्यक्रमाचा लाभ जास्तीत जास्त युवक-युवतींनी घ्यावा असे आवाहन राकेश झाल्टे, रोशन मराठे, डॉ. धनंजय बेंद्रे, डॉ. गणेश पाटील, डॉ. एस एस पाटील, सतीश देशमुख, अशोक शिंदे, नंदू रायगडे, निंबा मराठे, प्रा. भरत शेळके यांच्यासह अनेक मान्यवरांनी केले आहे.
