पाचोरा ( प्रतिनिधी ) – शहरात शिवसेनेच्यावतीने पुन्हा शिवसेनेच्या कोविड १९ महालसीकरणाच्या महामेळ्यात नवीन उच्चांक प्रस्थापित करत ६५१९ नागरिकांना पहिल्या व दुसऱ्या लसींचा लाभ देण्यात आला आहे.
सहा भागात कोरोना प्रतिबंधात्मक लसीकरण शिबिरांचे आयोजन करण्यात आले होते . काही दिवसांपासून शहरातील लसीकरण केंद्रांवर लस घेण्यासाठी नागरिकांची मोठ्या प्रमाणावर गर्दी होत होती.त्यातच शहरातील विविध टोकाला राहणाऱ्या वयस्कर व्यक्तींना लस घेण्यासाठी हेलपाटे मारावे लागत होते .याची दखल घेत आमदार किशोर पाटील यांनी प्रशासनाला सूचना करत शहरातील विविध भागात लसीकरण शिबिराचे आयोजन करण्याच्या सूचना केल्या होत्या त्यानुसार आज शहरातील जनता वसाहत, नागसेन नगर वाल्मिकी नगर आदी भागासाठी धमोदय बौद्ध विहारात, देशमुखवाडी व परिसरातील नागरिकांसाठी अहिर सुवर्णकार मंगल कार्यालयात, उपनगराध्यक्ष यांचे पती गंगाराम पाटील यांच्या वाढदिवसानिमित्त रंगार गल्ली भागातील जनतेसाठी मोर भुवन मध्ये, कोंडावाडा गल्ली, बाहेरपुरा, त्रंबक नगर या ठिकाणी लसीकरण शिबीर आयोजित करण्यात आले होते
.या सर्व ठिकाणी शिस्तबद्धरित्या नागरिकांना कोविड १९ लसीचा पहिला व दुसरा डोस देण्यात आला. शहरातील विविध लसीकरण केंद्रांवर जाऊन आ.किशोर पाटील, मुकुंद बिलदीकर, नगराध्यक्ष संजय गोहिल यांनी नागरिकांना लसीकरणासाठी प्रोत्साहीत केले पप्पू राजपूत यांनी शहरातील सर्व लसीकरण केंद्रांवर भेटी देत प्रशासन व शिवसैनिकांमध्ये समन्वय साधला .
या महालसीकरण शिबिराच्या यशस्वीतेसाठी माजी उपनगराध्यक्ष शरद पाटे, नगरसेवक सतीश चेडे, गंगाराम पाटील, शहर प्रमुख किशोर बारावकर, सुमीत किशोर पाटील, बंडू चौधरी, प्रवीण ब्राह्मणे, संदीपराजे पाटील, सुमीत सावंत, महेश पाटील, सौरभ चेडे , नगरसेवक दादाभाऊ चौधरी , राजू पाटील, छोटू चौधरी , गणेश पाटील , प्रमोद सोनार आदींनी परिश्रम घेतले.
