जळगाव ( प्रतिनिधी ) – गणेशोत्सवाच्या पार्श्वभूमिवर शहर पोलीस स्टेशन व शनिपेठ पोलीस ठाणे हद्दीत आज दुपारी जिल्हा पोलीस दलातर्फे पथसंचलन पार पडले.
पथसंचलनात बाहेरील जिल्ह्यातील रॅपीड ॲक्शन फोर्सच्या तुकडीसह स्थानिक पोलीस कर्मचारी, अधिकारी अशा दीडशे कर्मचार्यांचा समावेश होता. छत्रपती शिवाजी पुतळ्यापासून शनिवारी दुपारी १२ वाजता पथसंचलनाला सुरुवात झाली.
शाहूनगर, गोविंदा रिक्षास्टॉप, टॉवर चौक त्यानंतर शनिपेठ परिसरातील भिलपुरा चौक, रथचौक, सुभाष चौक, राजकमल चौक, चित्रा चौक मार्गे पुन्हा छत्रपती शिवाजी महाराज पुतळा येथे पथसंचलनाचा समारोप झाला. पथसंचलनात शिस्तबध्द तसेच शस्त्रधारी रॅपीड ॲक्शनच्या फोर्सच्या तुकडीतील कर्मचार्यांनी लक्ष वेधले होते. पथसंचलनात शहर पोलीस स्टेशनचे पोलीस निरिक्षक विजयकुमार ठाकूरवाड व शनिपेठ पोलीस स्टेशनचे पोलीस निरिक्षक बळीराम हिरे यांच्यासह दीडशे कर्मचार्यांचा सहभाग होता.
