जळगाव (प्रतिनिधी) –जिल्हा बँक निवडणुकीच्या बिनविरोध संदर्भात काँग्रेस राष्ट्रवादी शिवसेना-भाजपा यांची संयुक्त बैठक अजिंठा विश्रामगृह येथे बोलवण्यात आली होती. या बैठकीला सर्वपक्षीय नेते उपस्थित राहिले परंतु भाजपाचे नेते गिरीश महाजन हे या बैठकीला आले नाही? तसेच त्यांचे प्रतिनिधी देखील बैठकीला उपस्थित न राहिल्याने जिल्हा बँक निवडणूक बिनविरोध होणार याची शक्यता धूसर झाली असून जिल्हा बँकेच्या निवडणुकीत भाजपा नेते हे स्वतंत्र पॅनल देणार असल्याचे चित्र निर्माण झाले आहे. आजच्या सर्व पक्षीय बैठकीकडे त्यांनी पाठ फिरवल्याने सर्व पक्ष पॅनलवर प्रश्नचिन्ह निर्माण झाले आहे. या सर्वपक्षीय बैठकीला राष्ट्रवादी काँग्रेसचे नेते गुलाबराव देवकर, तसेच या पॅनलचे नेतृत्व करणारे ना. गुलाबराव पाटील, माजी आ.डॉ.सतीश पाटील ,आ. चिमणराव पाटील, आ, किशोर पाटील, आ.चंद्रकांत पाटील, काँग्रेसचे माजी खासदार डॉ उल्हास पाटील,डी.जे.पाटील,उदय पाटील,काँग्रेसचे जिल्हाध्यक्ष संदीप भैय्या पाटील ,संजय गरुड असे प्रमुख पदाधिकारी उपस्थित आहे .भाजपाचे एकही प्रतिनिधी या ठिकाणी उपस्थित नसल्याने सर्वपक्षीय पॅनल चाबाबत प्रश्नचिन्ह निर्माण झाले आहे. राष्ट्रवादी काँग्रेसचे जिल्हाध्यक्ष रवींद्र भैय्या पाटील व इतर मान्यवर नेत्यांनी भाजपचे गिरीश महाजन यांच्याशी या बैठकी संदर्भात चर्चा केली होती.परंतु निमंत्रण देऊनही ते बैठकीला हजर न झाल्याने हा विषय चर्चेचा झाला आहे. जिल्हा बँक निवडणुकीत जोरदार रंगधुमाळी होणार असल्याचे चित्र निर्माण झाले आहे.
भाजपाचे महत्त्वपूर्ण बैठक सुरू – गिरीश महाजन
जिल्हा भाजपाची महत्त्वपूर्ण बैठक सुरू असून सर्वपक्षीय बैठकीचे मला निमंत्रण आले होते. ही बैठक संपल्यानंतर मी तुमच्याशी सविस्तर बोलतो असी प्रतिक्रिया माजी पालकमंत्री तथा भाजपचे आ. गिरीश महाजन यांनी दिली
