जळगाव (प्रतिनिधी) – शहरातील रामेश्वर कॉलनीतील तुळजाई नगरात एका ४२ वर्षीय महिलेला जबरी मारहाण करून तिचा निर्घृण खून करण्यात आल्याचा धक्कादायक प्रकार आज शुक्रवारी सकाळी उघडकीस आला होता. एमआयडीसी पोलिसांनी जलद गतीने तपासचक्रे फिरवीत अवघ्या काही तासात संशयिताला ताब्यात घेतले आहे.
शहरातील तुळजाई नगरात राहणाऱ्या वंदना गोरख पाटील वय-४२ या भाजी विक्रेत्या महिलेचा गळा आवळून डोक्यात ५०० ग्रँम वजनाचे माप व चेहऱ्यावर तिष्ण हत्याराने वार करून खून करण्यात आल्याचा प्रकार आज शुक्रवारी सकाळी उघडकीस आला होता. घटनास्थळी एमआयडीसी पोलिसांनी धाव घेत लागलीच तपासचक्रे फिरवून संशयिताला ताब्यात घेतले आहे.
पोलीस निरीक्षक प्रताप शिकारे यांच्या मार्गदर्शनाखाली डीबी पथकातील अतुल वंजारी,इम्रान सय्यद,गोविंदा पाटील, मुद्दसर काझी गाडी चलाक इम्तियाज खान यांनी चोपडा येथून संशयीत सुरेश सुकलाल माळी (महाजन) याला ताब्यात घेण्यात आले आहे. दरम्यान, संशयितांची कसून चौकशी करण्यात येत असून महिलेचा खून कशासाठी झाला हे अद्याप समजून आलेले नाही.
