जळगाव (प्रतिनिधी) – येथील शासकीय वैद्यकीय महाविद्यालय व रुग्णालयात शुक्रवार दिनांक २० ऑगस्ट रोजी सद्भावना दिनानिमित्त अधिष्ठाता डॉ. जयप्रकाश रामानंद यांनी अधिकारी व कर्मचाऱ्यांना माजी पंतप्रधान राजीव गांधी यांच्या जयंतीनिमित्त दहशतवादविरोधी शपथ दिली.
यावेळी अधिष्ठाता कार्यालयातील अधिकारी व कर्मचारी उपस्थित होते. अधिष्ठाता डॉ.रामानंद यांनी सर्वांना विविध प्रकारचे भेद न करता भारतीय जनतेचे भावनिक ऐक्य आणि सामंजस्य यासाठी काम करीन. तसेच सर्व प्रकारचे मतभेद हिंसाचाराचा अवलंब न करता विचारविनिमय करून आणि संविधानिक मार्गाने सोडवेल अशा स्वरूपाची प्रतिज्ञा दिली.
यावेळी प्रशासकीय अधिकारी जितेंद्र सुरवाडे, डॉ. विजय गायकवाड, डॉ. सतीश सुरळकर, दिलीप मोराणकर, श्यामकांत दुसाने, राजेंद्र धाकड, संजय पाथरूट, गोपाळ बहुरे, उमेश टेकाळे, वैशाली रोडे, एम.आर.जोशी, व्ही. डी. जगताप, करण गावित, प्रदीप जैस्वाल, संजय शेळके, लिलाधर कोळी आदी उपस्थित होते.
