जळगाव;- तलवार घेऊन नागरिकांमध्ये दहशत माजविणाऱ्या आरोपीला एलसीबीच्या पथकाने बोदवड तालुक्यातील मानूर येथून अटक केली असून त्याला पुढील कारवाईसाठी बोदवड पोलिसांच्या ताब्यात देण्यात आले आहे. सागर रामचंद्र बावस्कर (वय२८ रा. ढोले नगर, मनुर ता.बोदवड ) असे संशयित आरोपीचे नाव आहे. पोलिस निरीक्षक किरणकुमार बकाले यांच्या गोपनीय माहितीनुसार पथक मनुर येथे रवाना केले संशयित आरोपी सागर बावसकर याला बोदवड ते मनोर रस्त्यावर असलेल्या भैरवनाथ बाबा मंदिराजवळून अटक केली आहे. त्याच्या ताब्यातील एक तलवार हस्तगत केली असून बोदवड पोलिस ठाण्यात या संदर्भात गुन्हा दाखल करण्यात आला आहे. ही कारवाई पोहेकॉ रविंद्र गायकवाड, राजेंद्र पवार, उमेशगीरी गोसावी यांनी केली .
