नागपूर – शहरात एकाच कुटुंबातील पाच जणांची हत्या केल्याचा धक्कादायक प्रकार समोर आला आहे. या हत्येनंतर आरोपीने सुद्धा आत्महत्या केली आहे. या घटनेमुळे शहारात एकच खळबळ उडाली आहे. घटनेची माहिती मिळताच पोलिसांनी घटनास्थळी धाव घेतली आणि पंचनामा करून सर्व मृतदेह ताब्यात घेतले आहेत.
अलोक माथुरकर असे आरोपीचे नाव असून हा प्रकार शहरातील तहसील पोलीस ठाण्याच्या हद्दीत घडला आहे. अलोकने पत्नी, मुलगी, मुलगा, सासू व मेव्हणीची हत्या केली व स्वत: आत्महत्या केली आहे. अलोक टेलरिंगचे काम करायचा. प्रमोद भिसिकर यांच्या घरी भाड्याने राहायचा. पोलिसांनी मृतदेह शवविच्छेदन करण्यासाठी शासकीय रुग्णालयात पाठवले आहे.
अलोकने इतक्या टोकाचे पाऊल का उचलले, याचे कारण अद्याप समजू शकले नाही. नागपूर पोलीस या प्रकरणाचा अधिक तपास करत असून कौटुंबिक कलहातून हत्या झाल्याचा प्राथमिक अंदाज पोलिसांनी वर्तवला आहे.
