जळगाव ( प्रतिनिधी ) ;- जळगावचे तत्कालीन जिल्हाधिकारी आणि आता महावितरण कंपनीचे कार्यकारी संचालक असणारे विजय सिंघल यांच्या बनावट फेसबुक अकाउंटद्वारे पैशांची मागणी जिल्हाधिकारी कार्यालयातील विधी अधिकारी यांच्याकडे केल्याचा धक्कादायक प्रकार घडला होता. मात्र विजय सिघल यांनी मुंबई सायबर सेलला याबाबत अधिकृतपणे तक्रार दाखल केली आहे .
यासंदर्भात व्यवस्थापकीय संचालक महावितरण मुंबई विजय सिंघल यांच्या ऑफिसमध्ये अँड देवरे यांनी संपर्क साधला असता कमांडर श्री इंदलकर यांनी संगितले की विजय सिंघल यांनी सायबर शाखेला तक्रार दिली असून ती cybercrime.gov.in वर उपलब्ध असून त्याचा पोहोच क्रमांक 21906210127104 असा आहे
जिल्हाधिकारी कार्यालयातील विधि अधिकारी असलेले अँड. हरुल देवरे यांना काल दुपारी साडेतीन वाजेच्या सुमारास तत्कालीन जिल्हाधिकारी आणि महावितरणचे सध्या असलेले कार्यकारी संचालक विजय सिंघल यांना फेसबुक अकाउंटवर फ्रेंड रिक्वेस्ट आली होती. त्यांनी ती स्वीकारल्यानंतर अँड. अँड. हरुल देवरे यांना मेसेज आला. कसे आहात , काय चालू आहे वगैरे औपचारिक संभाषण झाल्यानंतर आपण फोन पे युज करता का ? पैशांची गरज आहे. अशी विचारणा झाली . यावर एवढा मोठा व्यक्ती आपल्याकडे पैसे कसे काय मागू शकतात याबाबत अँड. हरुल देवरे यांना शंका आल्यानंतर त्यांनी ओळखपत्राची मागणी केल्यानंतर समोरच्या अनोळखी इसमाने संभाषण बंद केले. याप्रकाराबाबत अँड. हरुल देवरे हे जिल्हा सायबर सेलला तक्रार देणार असल्याचे त्यांनी केसरीराजशी बोलतांना सांगितले होते. दरम्यान अँड. हरुल देवरे यांनी कुठल्याही राजकीय व्यक्ती , प्रशासकीय अधिकारी , यांच्या अकाऊंटवरून फ्रेंड रिक्वेस्ट आल्यानंतर कुणाकडून तरी पैशांची मागणी झाल्यास ते बनावट अकाउंट समजून याबाबत तक्रार करावी असे आवाहन केले आहे.
