जळगाव (प्रतिनिधी ) मनपातील विविध संवर्गातील ३२ कर्मचारी सेवानिवृत्त आज झाले असून त्यांना निवृत्तीच्या दिवशीच बँक खात्यात भविष्य निर्वाह निधी जमा करण्यात आल्याने सेवानिवृत्त कर्मचाऱ्यांच्या चेहऱ्यावर समाधान झळकत होते.
महापालिकेचे आज ३२ कर्मचारी सेवानिवृत्त झाले. यात कार्यकारी अभियंता , लिपिक ५, मुकादम-१ , वाहनचालक- ६, परिचारिका-२, जकात निरीक्षक -१, पौंडी कीपर- १, नाकेदार -१, मजूर, शिपाई, गवंडी, सुरक्षारक्षक संवर्गातील १४ असे एकूण ३२ कर्मचारी सेवानिवृत्त झाले.
यासर्व ३२ कर्मचाऱ्यांंना महापालिकेच्या स्थापनेपासून प्रथमच निवृतीच्या दिवशीच व मागील १० कर्मचाऱ्यांना त्यांची भविष्य निर्वाह निधीची रक्कम आज मिळणर आहे. यात आज निवृत्त होणारे ३२ व निवृत्त झालेले पण मयत झालेले ८ व मागील ८ कर्मचाऱ्यांचा समावेश आहे. या ४८ निवृत्तधारकांना १ कोटी ६५ लाख रुपये अदा करण्यात आले आहेत.
