मुंबई (वृत्तसंस्था) – करोना संसर्गासोबतच देशात ‘ब्लॅक फंगस’चे ही प्रमाण वाढत आहे. गुजरातमध्ये बरीच प्रकरणे आढळली आहेत, जेथे करोनामधून बरे होणाऱ्या रुग्णांमध्येही ‘ब्लॅक फंगस’ चे प्रकार आढळले आहेत. गुजरातमधील करोनाची प्रकरणे झपाट्याने वाढल्यामुळे ही प्रकरणे बरीच वाढली आहेत. गंभीर बाब म्हणजे सूरतमध्ये म्यूकोरामायकोसिस (ब्लॅक फंगस) मुळे 8 रुग्णांनी आपली दृष्टी गमावली आहे. यानंतर त्यांना रुग्णालयात दाखल करावे लागले.
गेल्या 15 दिवसांत सूरतमध्ये म्यूकोरामायकोसिसमुळे 40 जण बाधित झाले असून त्यापैकी 8 रुग्णांची दृष्टी गेली आहे. हा संसर्ग करोनामुळे पसरतो आणि त्यावर उपचार करता येतो. परंतु उपचारास उशीर झाल्यास किंवा उपचार मिळाला नाही तर त्याचा परिणाम रुग्णाच्या मृत्यूतही होतो.
म्यूकोरामायकोसिस प्रकरणे देशातील इतर भागातही
सुरत व्यतिरिक्त, मुंबईतील एका 29 वर्षीय व्यक्तीलाही म्यूकोरामायकोसिसचे निदान झाले. करोनापासून बरे झाल्यानंतर एका व्यक्तीला ‘ब्लॅक फंगस’ची लक्षणे दिसू लागली. नुकतीच तिच्यावर शस्त्रक्रिया झाली. हा संसर्ग मेंदूत पोहोचू नये म्हणून डॉक्टरांना त्या रुग्णाचा वरचा जबडा काढून टाकावा लागला. सध्या मुंबईतील ग्लोबल हॉस्पिटलमध्ये म्यूकोरामायसिसचे 18 रुग्ण उपचारासाठी दाखल आहेत. महाराष्ट्रात ‘ब्लॅक फंगस’ ने अनेकजण बाधित झाले असून त्यापैकी बऱ्याच लोकांना वरचा जबडा काढावा लागला आणि त्यांच्या एका डोळ्याची दृष्टी पूर्ण नाहीशी झाली. त्याशिवाय परळ येथील केईएम रुग्णालयात 25 हून अधिक रुग्णांवर उपचार सुरू आहेत. संसर्ग नाकापासून सुरू होतो, जबड्यातून मेंदूपर्यंत जातो. एकदा हा संसर्ग मेंदूत पोहोचला की रुग्णाची जगण्याची शक्यता मोठ्या प्रमाणात कमी होते.
अमेरिकेच्या सीडीसीनुसार म्यूकोरामायकोसिस किंवा ब्लॅक फंगस हा एक दुर्मिळ बुरशीजन्य संसर्ग आहे. परंतु हे एक गंभीर संक्रमण आहे, जे मोल्ड्स (बुरशी) किंवा फंगलच्या एका समूहामुळे होते. हे समूह संपूर्ण वातावरणात टिकतात. याचा परिणाम सायनस किंवा फुफ्फुसांवर होतो.
करोना विषाणूपासून बरे झाल्यानंतर दोन-तीन दिवसानंतर म्यूकोमायकोसिस किंवा ‘ब्लॅक फंगस’ ची लक्षणे दिसतात. करोनामधून बरे झाल्यानंतर दोन ते तीन दिवसांनंतर संसर्ग प्रथम सायनसमध्ये दिसून येतो आणि नंतर डोळ्याकडे जातो. त्याच वेळी, ही बुरशी पुढील 24 तासांत मेंदूवर अधिराज्य गाजवू शकते.
तज्ञांचे म्हणणे आहे की कमकुवत प्रतिकारशक्ती असणार्‍या लोकांना जास्त धोका असतो. मधुमेह असलेले रुग्णही या समस्येस बळी पडतात. करोनापासून बरे झालेल्या आणि ज्यांना पूर्वीचा आजार झाला होता अशा रुग्णांमध्ये हे अधिक प्रमाणात दिसून येते. यामध्ये तीव्र डोकेदुखी आणि डोळ्यात लालसरपणा ही दोन सामान्य लक्षणे आहेत.
