जळगाव ;- शिक्षकांचे ७५% पगार कपात करावी, अश्या केलेल्या मागणीचा जिल्हाध्यक्ष भाजपा शिक्षक आघाडी प्रवीण जाधव जळगाव. यांनी तीव्र शब्दात निषेध केला.तसें निवेदन मा. मुख्यमंत्री यांना दिले.
सोलापूर जिल्हा कॉंग्रेस कमिटीचे सरचिटणीस यांनी त्यांच्या किडक्या मनोवृत्तीचे प्रदर्शन करून केलेल्या मागणीचा आम्ही तीव्र शब्दात निषेध करतो. त्यांनी घेतलेली भूमिका राज्यातील कॉंग्रेस पक्षाची सुद्धा आहे का ! याचा मागोवा त्यांनी घ्यावा. सर्व महाराष्ट्रातील महाविद्यालय, माध्यमिक व प्राथमिक शिक्षकांचे ७५ % पगार कापण्याची कुचेष्टा करणारी मागणी मुख्यमंत्र्यांकडे केली. त्या पदाधिकाऱ्यांची बुद्धीभ्रष्ट झालेली असावी. त्यांच्या सारख्यांचे कोरोनात शून्य योगदान असेल . राज्यात कोविड महामारी सुरु असतांना आम्ही शिक्षणाचे ऑनलाईन कार्य सुरु ठेऊन प्रत्यक्षात आजही आय.सी.यु. मध्ये जाऊन व्हेन्टीलेटर च्या रुग्णांची देखरेख करतो आहे. तेही कुठलेही मेडिकल, पॅरामेडिकल चे शिक्षण नसतांना याच काळात आम्ही रेशनवर धान्य वाटप तर कधी घरोघर जाऊन काही ठिकाणी पोलिसांसोबत नाक्यांवर तपासण्या केल्या. दारू दुकानांवर रांगा लावल्या कोरोना संकट काळात इतर फ्रंटलाईन काम करणाऱ्यांना विमा संरक्षण होते. आम्ही कुठल्याही विमासंरक्षणाशिवाय कोरोना महामारीत घरोघरी जाऊन कुटुंबांचे सर्वेक्षण, शाळा बाह्या मुलांचा शोध, बी.एल.ओ. निवडणुका, मग गुरेढोरे मोजण्यापासून तर स्वच्छता गृहांची मोजणी करण्यापर्यंतची काम तर आमच्या साठी नित्यचीच. शिक्षणाच्या कार्यासोबत आम्ही सर्व जबाबदाऱ्या अतिशय चोकपणे पार पडतोय हे त्यांना दिसत नाही तर पगार, आराम दिसतो, . आम्हाला कुटुंबीय नाहीत का? आम्ही गेल्यावर्षी समजा प्रति बांधिलकी म्हणून कोरोना महामारीसाठी एक दिवसाचे वेतेन दिले. नुकतेच धरणगाव तालुका शिक्षकांनी एकत्रित लाखो रुपयांचा निधी जमवून ऑक्सिजन ची व्यवस्था केली. कॉंग्रेसजनहो आम्ही सुद्धा देशाचे नागरिक व मतदार आहोत. वरील कर्त्यव्य पार पडत असतांना शेकडोंच्या संखेने कोरोना मुळे शिक्षकांनी जीव गमावला आहे. हे मंद कॉंग्रेस सरचिटणीसांना कळत नसावे. म्हणून आम्ही भारतीय जनता पार्टी जळगाव जिल्हा शिक्षक आघाडी चे सर्व पदाधिकारी त्यांच्या तीव्र शब्दात निषेध केला आहे.
