पारोळा ;- लोकमान्य टिळक शिक्षण संस्था संचालित, पारोळा शहरातील एकमेव सी.बी.एस.ई. बोहरा सेंट्रल स्कूल येथे 72 वा प्रजासत्ताक दिन साजरा .प्रसंगी संस्थेचे चेअरमन सुरेंद्रबोहरा , योगगुरु मुकुंद बोहरा,शाळेचे प्राचार्य सौ. शोभा सोनी ,डमिनिस्ट्रेटर वीरेंद्र प्रमुख पाहुणे म्हणून मुकेश चोरडिया, गोपाल शेठ अग्रवाल डॉक्टर योगेंद्र पवार, संजय शर्मा, एडवोकेट सौ. आशाताई शर्मा आदी मान्यवर उपस्थित होते.
आजच्या दिवसाचे विशेष आकर्षण म्हणजे ध्वजारोहन समारोह हा माजी विद्यार्थी ध्रुवेश नाना भुरे यांच्या हस्ते ध्वजारोहण करण्यात आले. या गुणवंत विद्यार्थ्यांचे आय.आय.टी मध्ये सिलेक्शन झाले आहे. सदर विद्यार्थी हा बोहरा शाळेत वर्ग 1ली पासून शिकत होता व ग्रामीण भागातील कासोदा गावातून येत होता. कोणतीही प्रकारची ट्युशन नसताना देखील दहावीत त्याने 96% गुण प्राप्त केले होते व यावर्षी त्याचे आय.आय टी.मध्ये सिलेक्शन झाले म्हणून त्याच्या हस्ते ध्वजारोहण करून त्याला गौरविण्यात आले. याबाबत आपले मनोगत व्यक्त करताना ध्रुवेश ने आपल्या अभ्यासाची पद्धत व शाळेतून मिळालेले शिक्षकांचे मार्गदर्शन व शाळेमुळे इंग्रजी भाषेवरचे मिळालेले प्रभुत्व यामुळे तो आयआयटी सारख्या परीक्षेत यश संपादन करू शकलो असे उपस्थित विद्यार्थ्यांना मार्गदर्शन केले. व शाळेचे व शिक्षकांचे आभार मानले.
प्रजासत्ताक दिनानिमित्त उपस्थित वर्ग नववी व दहावीच्या विद्यार्थ्यांना देशभक्तीपर गीते, नृत्य सादर केली. शाळेच्या प्राचार्या शोभा सोना मॅडम यांनी विद्यार्थ्यांना मार्गदर्शन केले. संस्थेचे चेअरमन सुरेंद्र जी बोहरा व उपस्थित मान्यवरांनी सर्व विद्यार्थ्यांना प्रजासत्ताक दिनाच्या शुभेच्छा दिल्या.प्रसंगी अभिवादनासाठी सर्व शिक्षक व शिक्षकेतर कर्मचारी वृंद उपस्थित होते.
