जैन इरिगेशनतर्फे काव्यरत्नावली चौक, भाऊंचे उद्यान तसेच महात्मा गांधी उद्यान,लालबहादूर शास्त्री टॉवरसह शहरातील निवडक स्थळांची सामाजिक बांधिलकीतून सजावट, रोषणाई
जळगाव (प्रतिनिधी) – जैन इरिगेशन, भवरलाल अँड कांताबाई जैन फाउंडेशनद्वारा शहरातील प्रमुख ओळख असलेल्या महत्त्वाच्या स्थळांची दिवाळी सणाच्या औचित्याने स्वच्छता, सजावट आणि रोषणाई करण्यात आली आहे.
जैन इरिगेशन कंपनीचे संस्थापक अध्यक्ष श्रद्धेय भवरलालजी जैन तथा मोठ्याभाऊंच्या जीवनमूल्यांची जपणूक सातत्याने विविध उपक्रम हाती घेऊन निष्ठापूर्वक केली जाते. सामाजिक बांधिलकीच्या या व्रताचा पुढील पिढीने व्रतस्थपणे आचरणात आणलेला हा सुद्धा एक अध्यायच आहे. भारतीय संस्कृतीचा पुरस्कार या सजावटीत दर्शवलेला असतो. सणवार व जयंती महंतीच्या विशेष दिनाच्या औचित्याने पुतळे, उद्याने यांची सजावट गेल्या अनेक वर्षांपासून केली जात आहे.
शहरातील भाऊंचे उद्यान, महात्मा गांधी उद्यान, लालबहादूर शास्त्री टॉवर या सह छत्रपती शिवाजी महाराज, लालबहादूर शास्त्री,भारतरत्न डॉ. बाबासाहेब आंबेडकर, पंडित जवाहरलाल नेहरू, स्वातंत्र्यवीर सावरकर या पुतळ्यांसह काव्यरत्नावली चौकाचाही यात समावेश असतो.
काव्यरत्नावली चौक
काव्यरत्नावली चौक कान्देशातील काव्य परंपरेला समर्पित चौक आहे
प्रत्येक सण, दिनविशेषाचे निमित्ताने सजावट करून समाज प्रबोधनाचा विधायक संदेश दिला जातो. यावर्षीदेखील काव्यरत्नावली चौकात मनोहारी,दृष्टीला सुखद अशी सजावट आणि रोषणाई करण्यात आली आहे. इथल्या सौंदर्य परिसराचा आनंद घेण्यासाठी,सजावट पाहण्यासाठी आणि अगदी सेल्फीसाठीही जळगावकरांना मोठी पर्वणीच असते.
लालबहादूर शास्त्री टॉवर
संपूर्ण शहराच्या मध्यवर्ती ठिकाणी असलेल्या व जळगावची खास ओळख असलेल्या लालबहादूर शास्त्री टॉवरचे बंद घड्याळ जैन इरिगेशनच्या पुढाकाराने अथक प्रयत्नांनी सुरू करण्यात आले. लालबहादूर शास्त्री टॉवरची स्वच्छता व रोषणाई देखील करण्यात आली आहे. त्याचप्रमाणे भाऊंचे उद्यान, महात्मा गांधी उद्यान शहरातील निवडक पुतळे यांची देखील सजावट व रोषणाई करण्यात आली आहे.
सामाजिक कार्यात अग्रेसर असलेले जैन इरिगेशनचे अध्यक्ष अशोक जैन यांच्या मार्गदर्शनानुसार सहकारी कार्यरत आहेत. मनोहर बागुल, जगदीश चावला, यांच्यासह प्रिंटिंग, सिव्हिल, डेव्हलपमेंट विभागाचे सहकारी अथक परिश्रम घेत आहेत.
