जळगाव (प्रतिनिधी) – भारताची पहिली किसान रेल्वे दि. 7 ऑगस्ट रोजी देवळाली ते दानापूरकडे चालवण्यात आली आणि आता देवळाली व मुजफ्फरपूर दरम्यान आठवड्यातून 3 दिवस धावत आहे. किसान रेल्वेला चांगला प्रतिसाद मिळत आहे. 19 ट्रिप मधून दि. 2 ऑक्टोबरपर्यंत 5,223 टन मालाची वाहतूक झाल्याची नोंद करण्यात आली आहे.
किसान रेल्वेद्वारे डाळिंब, कॅप्सिकम, हिरव्या मिरच्या, आले, लिंबू, आइस्ड फिश यासारख्या वस्तू शेतकर्यांच्या रेल्वेमध्ये वाहतूक केली जात आहे. डाळिंब 2039 टन, मिक्स भाज्या 1303 टन व इतर वस्तूंची वाहतूक केली गेली आहे.
सोलापूर विभागातील सांगोला, मोडलिंब, बेलावंडी, बेलापूर आणि कोपरगाव स्थानकांवर पीओएस मशीन बसविल्यामुळे, किसान रेल्वेमध्ये कृषी मालाची नोंदणी करण्यासाठी एक नवीन सुविधा देखील सुरू करण्यात आली आहे. ज्यामुळे व्यवसायाची सुलभता आणि त्वरित व्यवहार आणि वेळेची बचत होईल. याचा शेतकऱ्यांना विपुल प्रमाणात फायदा होत आहे.
