वडती ता.चोपडा (प्रतिऩिधी) – चोपडा तालुक्यातील धनगर समाजाच्या वतीने आरक्षण मिळावे या मागणी साठी धनगर समाजाच्या वतीने आज चोपडा तहसिलदार व पो.निरीक्षक यांना समाजबांधवांच्या उपस्थितीत निवेदन देण्यात आले.
मागील बऱ्याच वर्षांपासून अनुसूचित जमातीत धनगर समाज समाविष्ट असतांना सुध्दा धनगर समाज आरक्षणापासून वंचीत आहे. वेळोवेळी केंद्र सरकार व राज्य सरकार फक्त अंमलबजावणीचे आश्वासन देते व पुन्हा विसरते. तसेच समाजाला सध्याचा राज्य सरकार कडून दहा महिन्यात धनगर समाजाच्या आरक्षणाच्या विषयावर एकही बैठक घेतली गेली नाही. यामुळे धनगर समाजाच्या प्रत्येक माणसात सरकार विषयी प्रचंड प्रमाणात असंतोष व नाराजी आहे.
चोपडा तालुक्यात कोरोनाची वाढती रुग्णसंख्या लक्षात घेता “ढोल बजाओ आंदोलन स्थगित करुन निवेदन देण्यात आले.यावेळी माजी पंचायत समिती सभापती आत्माराम म्हाळके, नगरसेवक महेंद्र धनगर, भगवान न्हायदे, वासुदेव धनगर,शैलेश धनगर,नंदलाल धनगर,विजय भालेराव,शालिक धनगर,विक्की धनगर,ऋषिकेश धनगर,नरेंद्र भालेराव,योगेश कंखरे, दिपकबिऱ्हाडे, मेहुल धनगर,लिलाधर धनगर सह समाज बांधवांची उपस्थिती होती.
