लवकरच होणार डिजिटल प्रकाशन
जळगाव (प्रतिनिधी) – ” आपला जिल्हा -आपले उपक्रम ” पुस्तकाचे दोन भाग यापूर्वी प्रकाशित झाले असून, आगामी भाग तीन या पुस्तकातही पंचवीस शिक्षकांचे नाविन्यपूर्ण उपक्रम समाविष्ट केलेले आहे. जिल्ह्यातील शिक्षकांकडून लॉकडाउनच्या कालावधीचा उत्कृष्टरित्या उपयोग करून घेत लेखन कौशल्याला प्रोत्साहन दिले गेले.
जिल्हा परिषद प्राथमिक शिक्षण विभाग अंतर्गत प्राथमिक शिक्षणाधिकारी भाऊसाहेब अकलाडे यांच्या मार्गदर्शनाखाली आपला जिल्हा आपले उपक्रम हे ई-पुस्तक तयार करण्याचा नाविन्यपूर्ण उपक्रम लॉक डाऊन च्या काळात राबविण्यात आला होता . हे ई -पुस्तक तयार करण्याची संकल्पना पाचोरा तालुक्याच्या राजुरी शाळेच्या मुख्याध्यापिका अरुणा उदावंत व शहापुरा शाळेचे उपशिक्षक पंकज पालीवाल यांनी मांडली. ई – बुक संपादनाची जबाबदारी शिक्षण विस्तार अधिकारी विजय शांतीलाल पवार यांनी सांभाळली व त्यांना उपशिक्षक संभाजी हावडे यांनी सहकार्य केले. उपक्रमासाठी पालकमंत्री ना. गुलाबराव पाटील, जिल्हा परिषद अध्यक्षा रंजनाताई पाटील, उपाध्यक्ष लालचंद पाटील,शिक्षण सभापती रवींद्र पाटील, समाजकल्याण सभापती जयपाल बोदडे, जिल्हा परिषदचे मुख्य कार्यकारी अधिकारी डॉ. बी.एन. पाटील , डायट प्राचार्या मंजुषा क्षीरसागर , माध्यमिक शिक्षणाधिकारी बी. जे. पाटील, निरंतर शिक्षणाधिकारी के. ए. पाटील यांनी मार्गदर्शन केले आहे.
डिजिटल बुक भाग तीन पुस्तकाच्या निर्मिती साठी राजेंद्र कोळी, सोनाली साळुंखे, रत्नाकर पाटील, विजया पाटील, कल्पना पाटील, संदीप पवार, राहुल चौधरी, सुनील दाभाडे, मनोहर तेजवानी, अरुण पाटील, विलास निकम, ईश्वर महाजन, प्रभात तडवी इत्यादी शिक्षकांनी सहकार्य केले.
