जळगाव ( प्रतिनिधी ) – जामनेर तालुक्यातील शेंदुर्णी येथे डॉ. हेडगेवार शिक्षण प्रसारक मंडळाचे संस्थापक अध्यक्ष कै. डॉ. चारुदत्त साने यांच्या 16 व्या पुण्यस्मरणदिना निमित्त सरस्वती विद्या मंदिरात रक्तदान शिबिराचे आयोजन करण्यात आले होते.
याप्रसंगी त्यांच्या प्रतिमेला माल्यार्पण करून स्मृतींना उजाळा देण्यात आला. शेंदुर्णी व परिसरात गरीब जनतेची साने परिवार अविरत सेवा करत असून डॉ. चारुदत्त साने यांच्या जाण्याने जी पोकळी तयार झाली ती न भरून येण्यासारखी आहे अशी भावना कार्यक्रमाचे अध्यक्ष गोविंद भाई अग्रवाल यांनी व्यक्त केली. नगराध्यक्षांचे पती अमृत बापू खलसे, राजू भारुडे यांनीसुद्धा डॉक्टर साहेबांबद्दल आठवणी सांगितल्या.
संस्थेच्या अध्यक्षा श्रीमती कुमुदिनी साने यांनी भावनिक मनोगतातून डॉक्टर साहेबांचे स्वप्न त्यांच्या मुलाने पूर्ण केल्याचा विश्वास व्यक्त केला याप्रसंगी भाजपचे ज्येष्ठ नेते उत्तमराव थोरात, कडोबा संजी गुजर, प्रफुल्ल पाटील, विजय गुजर, शाळेचे मुख्याध्यापक राजेंद्र पाटील हे उपस्थित होते कार्यक्रमाचे सूत्रसंचालन प्रमोद सरोदे यांनी केले तर आभार राजेंद्र पाटील यांनी मानले.
