रोख २५ हजारांसह चांदीची लक्ष्मी मूर्ती चोरीला; अज्ञात चोरट्याविरुद्ध गुन्हा दाखल
अमळनेर (प्रतिनिधी) :- अमळनेर शहरातील ओमशांती नगर, बसस्थानकाच्या मागील परिसरात घरफोडी करून अज्ञात चोरट्याने रोख रक्कम व चांदीची लक्ष्मीची मूर्ती असा एकूण २९ हजार रुपये किमतीचा ऐवज लंपास केल्याची घटना समोर आली आहे. याप्रकरणी अमळनेर पोलीस ठाण्यात अज्ञात चोरट्याविरुद्ध घरफोडीचा गुन्हा दाखल करण्यात आला आहे.
याबाबत पुष्पा अरुण अधिकारी (वय ५०, व्यवसाय घरकाम, रा. ओमशांती नगर, बसस्थानकाच्या मागे, अमळनेर, जि. जळगाव) यांनी अमळनेर पोलीस ठाण्यात फिर्याद दिली आहे.
फिर्यादी यांच्या तक्रारीनुसार, दि. ५ ऑगस्ट २०२६ रोजी रात्री ९.३० वाजेपासून ते दि. ४ ऑक्टोबर २०२६ रोजी सकाळी १०.३० ते ११ वाजेच्या दरम्यान अज्ञात चोरट्याने घरात कोणीही नसल्याचा फायदा घेत घरात प्रवेश केला. चोरट्याने घरातील सामानाची चोरी करून ऐवज लंपास केला.
चोरीस गेलेल्या मुद्देमालामध्ये २५ हजार रुपये रोख रक्कम तसेच ४ हजार रुपये किमतीची चांदीची लक्ष्मीची मूर्ती यांचा समावेश असून, एकूण २९ हजार रुपये किमतीचा ऐवज चोरीला गेला आहे.
या घटनेप्रकरणी अमळनेर पोलीस ठाणे गु.र.नं. ५१८/२०२६ अन्वये भारतीय न्याय संहितेच्या कलम ३३१(३), ३३१(४) व ३०५(अ) प्रमाणे गुन्हा दाखल करण्यात आला आहे.
गुन्हा दाखल करण्याची कारवाई दि. ७ ऑक्टोबर २०२६ रोजी दुपारी ३.३० वाजता करण्यात आली. या प्रकरणातील आरोपी अद्याप अज्ञात असून त्याचा शोध सुरू आहे.
घटनेचा पुढील तपास पोहेकॉ./२०२० सुनील तेली, अमळनेर पोलीस ठाणे करीत आहेत.
