वरणगावात सार्वजनिक ठिकाणी पार्क केलेली हिरो एचएफ डिलक्स लंपास; अज्ञात चोरट्याविरुद्ध गुन्हा दाखल
वरणगाव, ( प्रतिनिधी ) – वरणगाव शहरातील बंधन बँकेसमोरील सार्वजनिक जागेत पार्क केलेली सुमारे ४० हजार रुपये किमतीची हिरो एचएफ डिलक्स मोटारसायकल अज्ञात चोरट्याने लंपास केल्याची घटना समोर आली आहे. याप्रकरणी वरणगाव पोलिस ठाण्यात अज्ञात चोरट्याविरुद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादी पवन गोविंदा चव्हाण (वय २६, रा. गारखेडा, बुधूक तांडा, ता. जामनेर, जि. जळगाव) हे कामानिमित्त वरणगाव येथे आले होते. त्यांनी आपली मोटारसायकल बंधन बँकेसमोरील सार्वजनिक जागेत पार्क केली होती.
१ सप्टेंबर २०२६ रोजी रात्री १०.३० ते २ सप्टेंबर २०२६ रोजी सकाळी ७ वाजेच्या दरम्यान अज्ञात चोरट्याने मोटारसायकल चोरून नेली. सकाळी मोटारसायकल जागेवर दिसून न आल्याने फिर्यादीने परिसरात तसेच आजूबाजूला शोध घेतला. मात्र मोटारसायकलचा कुठेही ठावठिकाणा लागला नाही.
चोरीस गेलेली मोटारसायकल हिरो एचएफ डिलक्स कंपनीची, काळ्या रंगाची असून तिची अंदाजे किंमत ४० हजार रुपये आहे. मोटारसायकलचा क्रमांक MH-19 EW 8531 असा आहे.
या प्रकरणी फिर्यादी पवन चव्हाण यांच्या तक्रारीवरून वरणगाव पोलिस ठाण्यात गुन्हा क्रमांक २३१/२०२६, भारतीय न्याय संहिता कलम ३०३(२) अन्वये गुन्हा दाखल करण्यात आला आहे.
३ सप्टेंबर २०२६ रोजी सकाळी १०.४७ वाजता गुन्ह्याची नोंद करण्यात आली. या प्रकरणाचा तपास सफौ/२५६० रियाज शेख करीत आहेत.
दरम्यान, चोरीला गेलेली मोटारसायकल आणि अज्ञात चोरट्याचा शोध घेण्यासाठी वरणगाव पोलिसांकडून तपास सुरू आहे.
