जळगावात बंद घराचे कुलूप तोडून घरफोडीचा प्रयत्न; अज्ञात चोरट्याविरुद्ध गुन्हा दाखल
जळगाव : शहरातील शनीपेठ पोलीस ठाण्याच्या हद्दीत इस्लामपुरा, भवानीपेठ परिसरात बंद घराचे कुलूप तोडून घरफोडी करण्याचा प्रयत्न झाल्याची घटना समोर आली आहे. याप्रकरणी अज्ञात व्यक्तीविरुद्ध शनीपेठ पोलीस ठाण्यात गुन्हा दाखल करण्यात आला आहे.
पोलिसांनी दिलेल्या माहितीनुसार, शाहरुख खान युनूस खान (वय ३०, रा. इस्लामपुरा, भवानीपेठ, जळगाव) यांनी याबाबत फिर्याद दिली आहे. १८ ऑगस्ट २०२६ रोजी दुपारी सुमारे १ वाजता त्यांच्या आत्या राहत असलेल्या बंद घराच्या दरवाजावरील कुलूप अज्ञात इसमाने तोडले.
कुलूप तोडून घरात प्रवेश करून चोरी करण्याचा प्रयत्न करण्यात आला. मात्र, घरातून नेमका कोणता मुद्देमाल चोरीस गेला याबाबत नोंद उपलब्ध नाही. त्यामुळे घरफोडीचा प्रयत्न झाल्याचे फिर्यादीत नमूद करण्यात आले आहे.
अज्ञात चोरट्याविरुद्ध गुन्हा दाखल
या प्रकरणी १८ ऑगस्ट २०२६ रोजी दुपारी २.४७ वाजता शनीपेठ पोलीस ठाण्यात गुन्हा क्रमांक १७८/२०२६ नुसार भारतीय न्याय संहितेच्या कलम ३३१(३) व ६२ अन्वये घरफोडीच्या प्रयत्नाचा गुन्हा दाखल करण्यात आला आहे.
गुन्ह्याचा पुढील तपास पोहेकॉ/१०५८ वसीम शेख करीत आहेत. पोलिसांकडून अज्ञात चोरट्याचा शोध सुरू आहे.
