अपघातानंतर चालक पसार; पोलिसांकडून अज्ञात वाहनाचा शोध सुरू
पोलिसांनी दिलेल्या माहितीनुसार, संतोष मुन्शी काकरे (वय २८, रा. सुहागी सुदरदेव, ता. खलवा, जि. खंडवा, मध्यप्रदेश) हे पाचोरा येथील के.के. कॉटेक्स कंपनीत काम करत होते. १३ जुलै २०२६ रोजी रात्री सुमारे ८.५० वाजता ते जामनेर शहराकडून कंपनीकडे पायी जात असताना प्रमोद कोठारी यांच्या गोदामासमोरील जामनेर-पाचोरा महामार्गावर अज्ञात वाहनाने त्यांना जोरदार धडक दिली.
या अपघातात संतोष काकरे यांच्या डोक्याला गंभीर दुखापत झाली. उपचारादरम्यान त्यांचा मृत्यू झाला. अपघातानंतर संबंधित अज्ञात वाहनचालकाने जखमीला कोणतीही मदत न करता तसेच पोलिसांना माहिती न देता घटनास्थळावरून पलायन केल्याचा आरोप आहे.
या प्रकरणी मृताच्या वडिलांनी मुन्शी सज्जुलाल काकरे (वय ४५) यांनी दिलेल्या फिर्यादीवरून जामनेर पोलीस ठाण्यात अज्ञात वाहनचालकाविरुद्ध भारतीय न्याय संहितेतील संबंधित कलमांसह मोटार वाहन कायद्यान्वये गुन्हा दाखल करण्यात आला आहे.
या प्रकरणाचा पुढील तपास पोलीस उपनिरीक्षक संदेश कितीकर करीत आहेत.
