सै. नियाज अली भैय्या फाउंडेशन तर्फे S I R कॅम्प चे यशस्वी आयोजन 

जळगाव (प्रतिनिधी) :-  भारत निवडणूक आयोगाच्या विशेष सर्वेक्षण पुनरीक्षण कार्यक्रम (SIR)  कॅम्प चे आज दि. ०५/०७/२०३६ रविवार रोजी सै. नियाज अली भैय्या फाउंडेशन जळगांव तर्फे यशस्वी आयोजन करण्यात आले होते. कार्यक्रमाची सुरुवात सकाळी १०:०० वाजता करण्यात येऊन सांगता संध्याकाळी ०७:०० वाजेपर्यंत करण्यात आली .
या प्रसंगी जळगांव शहरातील भिलपुरा, इस्लामपुरा , बागवान मोहल्ला येथील यादी भाग क्रमांक ११२,११३,११४,११५,११६,११७ तील मतदारांचे मॅपिंग होऊन SRI फॉर्म भरून योग्य मार्गदर्शन करण्यात आले. या कॅम्प चा लाभ हजारो लोकांनी घेतला. या प्रसंगी बी. एल. ओ. व त्यांना सै. नियाज अली भैय्या फाउंडेशन जळगांव च्या सदस्यांनी पूर्ण मदत, साहाय्य केले. या प्रसंगी सै. अयाज अली नियाज अली यांनी उपस्थित लोकांना SIR विषयी संपूर्ण माहिती दिली. तसेच ” सर्वांनी योग्य प्रकारे मॅपिंग करावी, योग्य, बरोबर व अचूक फॉर्म भरावा. आपला पवित्र हक्क मतदान असून ते अबाधित रहावे यासाठी आपल्या परिवार, मित्र परिवार व परिसरातील लोकांचे मार्गदर्शन करून, माहिती देऊन मॅपिंग करून फॉर्म भरून घ्यावे. ही एक प्रकारे देश व समाज सेवा आहे. म्हणून सर्वांनी व खास करून युवकांनी यात सहभाग घ्यावा असे सांगितले ” याप्रसंगी सै. नियाज अली भैय्या फाउंडेशन जळगांव चे अध्यक्ष सै. अयाज अली नियाज अली , नाझीम कुरैशी, शफी ठेकेदार, सलमान मेहबूब, शेख नजिरुद्दीन, अझीम खाटीक, हाजी सलीमुद्दीन, हाजी शकूर बादशाह, अकबर इब्राहिम, मौलाना रफीक रजवी, शेख शाहरुख इ. नी परिश्रम घेतले.

फोटो :- सै. नियाज अली भैय्या फाउंडेशन जळगांव तर्फे आयोजित करण्यात आलेल्या कॅम्प मध्ये उपस्थित नागरिक.