जळगावात उद्या ’विशाल हिंदू मेळावा’

जळगाव (प्रतिनिधी):- जाती-जातीत विखुरलेल्या हिंदू समाजाला संघटित करण्याच्या उद्देशाने जळगाव शहरात उद्या रविवार दि २९ मार्च २०२६ रोजी एका भव्य ’विशाल हिंदू मेळाव्याचे आयोजन करण्यात आले आहे. सकल हिंदू समाज, श्रद्धा कॉलनी परिसरातील विविध सोसायट्यांच्या वतीने हा कार्यक्रम आयोजित करण्यात आला आहे.
कार्यक्रमासाठी प्रमुख वक्ते म्हणून श्री. मनोजजी सावंत  (जळगाव जिल्हा सहप्रचार प्रमुख, रा. स्व. संघ आणि संचालक, गुरुकृपा क्लासेस) मार्गदर्शन करणार आहेत. तसेच, ह.भ.प. श्री. विलासजी महाराज सायगावकर यांचे आशिर्वचन यावेळी लाभणार आहे.जितेंद्र लाठी हे अध्यक्षस्थानी राहणार आहे.  रामानंद नगर परिसरातील चर्च रोड श्री गणेश मंदिर परिसर, गजानन सोसायटी परिसर, पारिजात संकुल जवळ येथे हा मेळावा रविवार, दि. २९ मार्च २०२६ रोजी सायंकाळी ठीक ५:३० वाजता सूरू होईल. ह.भ.प विलास सायगावकर हयांचे शिक्षण आळंदी देवाची येथे झाले असून २००९ पासून असंख्य किर्तन व मेळाव्यातून त्यांनी बौध्दीक घेतले आहे. हिंदु समाजाचा अभ्यास देखिल केला आहे. मेळाव्याचे आयोजन सकल हिंदू समाज, श्रद्धा कॉलनी परिसराच्या माध्यमातून  करण्यात आले आहे. यात गजानन सोसायटी, पार्वती नगर, रामानंद नगर, यशवंत नगर, अजिंठा सोसायटी, गायत्री नगर, धांडे नगर, विवेकानंद नगर, स्नेहल सोसायटी, अजिंक्य सोसायटी आणि सन्मित्र कॉलनी अशा विविध परिसरांतील नागरिकांचा सक्रिय सहभाग असणार आहे. हिंदू समाजात सामाजिक समरसता आणि एकात्मता वाढवण्यासाठी या मेळाव्याचे आयोजन करण्यात आले असून, परिसरातील सर्व नागरिकांनी मोठ्या संख्येने उपस्थित राहावे, असे आवाहन आयोजकांनी केले आहे.