डॉ. उल्हास पाटील वैद्यकीय रूग्णालयातर्फे ११ मार्चपासून रावेर तालुक्यात नेत्रशिबीर

जळगाव (प्रतिनिधी):- येथील डॉ. उल्हास पाटील वैद्यकीय महाविद्यालय व रूग्णालयातर्फे ११ मार्चपासून रावेर तालुक्यात नेत्र तपासणी शिबीरांचे आयोजन करण्यात आले आहे. रावेर तालुक्यातील प्रत्येक गावात हे शिबीर होणार असून शिबीरात तज्ज्ञ डॉक्टरांकडून तपासणी केली जाणार आहे.
डॉ. उल्हास पाटील वैद्यकीय महाविद्यालय व रूग्णालयातर्फे सामाजिक दायित्व या भावनेने आरोग्य शिबीरांचे आयोजन केले जाते. सेवेचा ध्यास बाळगलेल्या या रूग्णालयात आत्तापर्यंत हजारो रूग्णांवर शस्त्रक्रिया करून त्यांना दिलासा देण्याचे काम करण्यात आले आहे. रावेर तालुका मोतीबिंदू मुक्त करण्यासाठी येत्या ११ मार्चपासून संपूर्ण तालुक्यात नेत्रतपासणी शिबीरांचे आयोजन करण्यात आले आहे. या शिबीरात डॉ. उल्हास पाटील रूग्णालयातील प्रख्यात नेत्रतज्ज्ञ रूग्णांची तपासणी करणार असून गरजू रूग्णांवर शस्त्रक्रिया देखील करणार आहेत. त्यामुळे रावेर तालुक्यातील नागरिकांनी या शिबीरात जास्तीत जास्त संख्येने सहभागी होऊन लाभ घ्यावा असे आवाहन रूग्णालय प्रशासनातर्फे करण्यात आले आहे.
असे आहे शिबीराचे नियोजन
रावेर तालुक्यात ११ मार्च रोजी लहान वाघोदे येथून शिबीराचा प्रारंभ होणार असून थोरगव्हाण, चुनवाडे, मांगी येथे शिबीर होणार आहे. त्यानंतर १३ मार्च रोजी सूदगाव, रायपूर, गहुखेडे, कठोरे, १६ मार्च रोजी रणगाव, तासखेडे, उदळी खु., उदळी बु., १८ मार्च रोजी गाते, लूमखेडा, मंगलवाडी, तांदलवाडी, २० मार्च रोजी मस्कावद, दसनूर, आंदलवाडी, सुनोदा, २३ मार्च रोजी सिगत, बलवाडी पुरी, गोलवाडे, २५ मार्च रोजी निंभोरा, खिर्डी बु., खिर्डी खु., भामलवाडी, २७ मार्च रोजी अजंदे, रेंभोटा, वाघाडी, शिंगाडी, ३० मार्च धामोडी, कांडवेल, कोळदा, सुलवाडी, ६ एप्रिल रोजी निंबोल, विटवा, सांगवे, नांदुरखेडा, ८ एप्रिल रोजी पुणखेडे, पातोंडी, बोहर्डे, निंभोरा सिम, १० एप्रिल खिरवळ, थेरोडे, धुरखेडे, नेहते, १५ एप्रिल रोजी तामसवाडी, मोरगाव बु., मोरगाव खु., दोधे, १७ एप्रिल रोजी वाघोड, अटवाडे, अजनाड, चोरवड, २० एप्रिल रोजी खानापूर, नेरूळ, पाडळे बु., पाडळे खु., २२ एप्रिल रोजी कर्जद, अहिरवाडी, मोहगण, पिंपरी, २४ एप्रिल रोजी बोरखेडे, भोकरी, केर्‍हाळे बु., केर्‍हाळे खु., जुनोने, २७ एप्रिल रोजी रसलपुर, बक्षीपुर, रमजीपुर, खिरोदा प्र रावेर, २९ एप्रिल रोजी अभोळे बु., अभोळे खुजीन्सी, मोरव्हाल, गुलाबवाडी, ४ मे रोजी शिंदखेडा, मुंजलवाडी, कुसुंबा, लालमाती, सहस्त्रलिंग, ६ मे रोजी भातखेडा, ऊटखेडा, गौरखेडा, लोहारा, ८ मे रोजी मोठा वाघोदा, वडगाव, विवरा, भोर(रावेर स्टेशन), ११ मे रोजी कोचुर, चिनावल, कुंभारखेडा, सावखेडा, १३ मे रोजी रोझोदा, खिरोदा, कळमोदा, जानोरी, १५ मे रोजी पाल, गारखेडे, निमड्या, अंधारमळी आणि १८ मे रोजी तिड्या मोहमांडली व गारबर्डी येथे नेत्र तपासणी शिबीर होणार आहे.