नवी दिल्ली (वृत्तसंस्था) – प्राणघातक कोविड -19 टाळण्यासाठी जगभरातील लोकांना मास्क लावण्यास सांगितले जात आहे. त्याच वेळी, एका अभ्यासात आढळून आले कि, मास्क कोरोना विषाणूच्या संसर्गाची वाढ 40% पर्यंत कमी करू शकतो. जर्मनीतील विविध शहरे आणि नगरपालिकांमधील सार्वजनिक ठिकाणी मास्क वापरण्याच्या परिणामावर एक पेपर प्रसिद्ध करण्यात आला आहे. यामध्ये मास्क आवश्यक असल्याची माहिती देण्यात आली आहे. या पेपरमधील विश्लेषणावरून दिसून आले की, 6 एप्रिल रोजी जेना शहराने मास्क घालणे अनिवार्य केल्यानंतर कोविड – 19 च्या नवीन प्रकरणांची संख्या 25 टक्क्यांपर्यंत खाली आली आहे. हे निकाल शुक्रवारी जाहीर करण्यात आले.
जर्मनीच्या बॉन शहरात आयझेडए लेबर इकॉनॉमिक्स इन्स्टिट्यूटद्वारे एका चर्चापत्रात म्हटले आहे की, आम्ही विश्लेषित केलेल्या क्षेत्राच्या आधारे आम्हाला आढळले की, फेस मास्क अनिवार्य केल्यानंतर दहा दिवसांच्या कालावधीत कोव्हीड – 19 प्रकरणांची संख्या 2.3 टक्क्यांवरून 13 टक्क्यांपर्यंत घसरली आहे. त्यात नमूद केले की, विविध अंदाजांच्या विश्वासार्हतेचे मूल्यांकन करून, आम्ही या निकालावर पोहोचले आहोत की, फेस मास्क संक्रमणाच्या दैनंदिन वाढीचा दर सुमारे 40% कमी करतो. एका अभ्यासानुसार कोविड – 19 ची लक्षणे सामान्यत: संसर्ग झाल्यानंतर चार ते पाच दिवसांनंतर दिसू लागतात. यावेळी, रुग्णात खोकला, ताप आणि श्वासोच्छवासाची समस्या यासारखे लक्षणे जरी दिसली नाहीत, तरी तो संसर्ग पसरविण्यात सक्षम आहे.
बर्‍याच अभ्यासांमधून असेही दिसून आले आहे की, कोविड -19 अशा लोकांद्वारे देखील पसरला ज्यांचात या आजाराची सौम्य लक्षणे होती. बहुतेक असंवेदनशील (लक्षणे नसलेले रुग्ण) प्रकरणांमध्ये, संसर्गाच्या वेळी लक्षणे अजिबात विकसित होत नाहीत. यात आढळले की वाढते वय, उच्च रक्तदाब आणि मधुमेह असलेले लोक बर्‍याच काळापर्यंत पूर्व-लक्षणात्मक राहिले.
पीएसआरआयचे अध्यक्ष आणि ऑल इंडिया इन्स्टिट्यूट ऑफ मेडिकल सायन्सेस, दिल्ली येथील पल्मोनोलॉजी विभागाचे माजी प्रमुख प्रोफेसर जीसी खिलनानी म्हणाले की, हा महत्त्वपूर्ण अभ्यास अनेक तथ्ये स्पष्ट करतो. त्यांनी नमूद केले की, लोक सरासरी चार दिवसांत लक्षणे विकसित करतात आणि कोविड -19 पॉझिटिव्ह रुग्णांची (58%) एक मोठी संख्या रोगाच्या कालावधीत एसिम्प्टोमॅटिक होते. जी तीन ते 21 दिवसांपर्यंत होते, तर सरासरी कालावधी नऊ दिवस असतो. त्यांनी पुढे असेही नमूद केले की, अभ्यासामध्ये असेही आढळले आहे की, एसिम्प्टोमॅटिक रूग्ण रोगाच्या संपूर्ण कालावधीत हा संसर्ग पसरवितो.
