भुसावळ शहरातील घटना ; ५५ वर्षीय नराधमावर गुन्हा दाखल
भुसावळ (प्रतिनिधी):- भुसावळ शहरातील मुक्ताई कॉलनी परिसरात एका २२ वर्षीय तरुणीवर तिच्या इच्छेविरुद्ध अत्याचार केल्याची धक्कादायक घटना उघडकीस आली आहे. याप्रकरणी ५५ वर्षीय आरोपीविरुद्ध भुसावळ शहर पोलीस ठाण्यात भारतीय न्याय संहितेच्या विविध कलमान्वये गुन्हा दाखल करण्यात आला आहे.
पीडित महिला ही साक्री येथील पोस्ट ऑफिसमध्ये कार्यरत आहे. मंगळवार, १७ फेब्रुवारी रोजी दुपारी ३:४५ ते ४:३० वाजेच्या सुमारास, आरोपी राजू लालू गायकवाड (वय ५५ वर्ष, रा. हुडको कॉलनी, भुसावळ) याने पीडितेवर अत्याचार केला. मुक्ताई कॉलनीतील ‘ओंकार हाईट’ बिल्डिंगमधील एका दुकानात असलेल्या ‘स्वामीराज ऑफिस’मध्ये ही घटना घडली.
पीडितेने दिलेल्या फिर्यादीनुसार, आरोपीने तिच्या संमतीशिवाय आणि इच्छेविरुद्ध शारीरिक संबंध प्रस्थापित केले. याप्रकरणी पीडितेने १८ फेब्रुवारी रोजी रात्री ९:१५ वाजता पोलीस ठाण्यात धाव घेऊन तक्रार नोंदवली.
घटनेची गांभीर्य लक्षात घेऊन उपविभागीय पोलीस अधिकारी केदार बारबोले आणि भुसावळ शहर पोलीस ठाण्याचे पोलीस निरीक्षक उद्धव डमाळे यांनी घटनास्थळी भेट दिली. या प्रकरणाचा पुढील तपास सहाय्यक पोलीस निरीक्षक राहुल भंडारे करत आहेत.
