जळगावात इंद्रप्रस्थ नगरमध्ये आयोजन
जळगाव ( प्रतिनिधी ) – येथील ‘योगिराज श्री गजानन महाराज बहुउदेशीय संस्था’ (केशरबाग, इंद्रप्रस्थ नगर) यांच्या वतीने शेगाव निवासी समर्थ सद्गुरु श्री गजानन महाराज यांचा १४८ वा प्रगटदिन महोत्सव मोठ्या उत्साहात साजरा करण्यात येणार आहे. ५ फेब्रुवारी ते ८ फेब्रुवारी या कालावधीत विविध धार्मिक व अध्यात्मिक कार्यक्रमांचे आयोजन करण्यात आले आहे.
सामूहिक पारायण, महाशिवपुराण कथा
५ ते ७ फेब्रुवारी या काळात दररोज दुपारी २ ते ५ वाजेपर्यंत ग्रंथाचे वाचन केले जाईल. ५ ते ७ फेब्रुवारी या कालावधीत दररोज सायंकाळी ६ ते रात्री १० वाजेपर्यंत ह.भ.प. देवदत्त महाराज मोरदेकर यांच्या रसाळ वाणीतून कथा प्रवचन होणार आहे. रविवारी ८ फेब्रुवारी सकाळी ६ वा.रुद्राभिषेक (मंगल स्नान), ७ ते १२ वा. पादुका पूजन, होम हवन, महाआरती.
दुपारी १२ ते २ वा. महाप्रसाद (भंडारा).सायंकाळी ४ ते ८ वा. पालखी मिरवणूक सोहळा, महाआरती आणि दीपोत्सव होणार आहे.
या महोत्सवाचा लाभ सर्व भाविक भक्तांनी घ्यावा, असे आवाहन संस्थेचे अध्यक्ष संतोष बापूराव चव्हाण, सचिव गणेश भीमराव शेळके आणि विश्वस्त प्रविण सदाशिव पाटील यांनी केले आहे.
