जळगावला अजिंठा चौफुलीवर घटना
जळगाव (प्रतिनिधी) : शहरातील अजिंठा चौफुली परिसरातील हॉटेल सपनाजवळ एक ५८ वर्षीय वृद्ध बेशुद्ध अवस्थेत आढळून आले. त्यांना तातडीने शासकीय रुग्णालयात दाखल केले असता, डॉक्टरांनी त्यांना मयत घोषित केले. या प्रकरणी एमआयडीसी पोलीस ठाण्यात अकस्मात मृत्यूची नोंद करण्यात आली आहे.
मयत व्यक्तीचे नाव भाऊसाहेब अभिमन पवार (वय ५८, रा. पातोंडा, ता. अमळनेर, जि. जळगाव) असे आहे. शुक्रवार, ९ जानेवारी रोजी सकाळी ते अजिंठा चौफुलीवरील हॉटेल सपनाजवळ बेशुद्ध अवस्थेत पडलेले नागरिकांना दिसून आले. या घटनेची माहिती मिळताच त्यांचे नातेवाईक प्रकाश भास्कर पाटील यांनी त्यांना तातडीने शासकीय वैद्यकीय महाविद्यालय व रुग्णालयात उपचारासाठी नेले. मात्र, रुग्णालयात पोहोचल्यानंतर डॉक्टरांनी त्यांना तपासून मृत घोषित केले.
भाऊसाहेब पवार यांचा मृत्यू नेमका कशामुळे झाला, याचे कारण अद्याप समजू शकलेले नाही. मृत्यूचे नेमके कारण शोधण्यासाठी मृतदेहाचे शवविच्छेदन करण्यात आले असून वैद्यकीय अहवालाची प्रतीक्षा आहे.याप्रकरणी एमआयडीसी पोलीस ठाण्यात नोंद करण्यात आली आहे. पोलीस नाईक हेमंत जाधव तपास करीत आहे.
