जळगाव शहरातील देवेंद्र नगरात घटना
जळगाव (प्रतिनिधी) :- कुटुंबीयांसह पाटणा या मूळ गावी गेलेले सरकारी अधिकारी मनीषकुमार सिंग (३७, रा. देवेंद्रनगर) यांच्या घराचे कुलूप तोडून चोरट्यांनी आठ ग्रॅमचे सोन्याचे दागिने चोरून नेले. ही घटना २६ नोव्हेंबर रोजी देवेंद्रनगरात उघडकीस आली. रामानंदनगर पोलिसात अज्ञात चोरट्याविरुद्ध गुन्हा दाखल करण्यात आला आहे.
बिहारमधील पाटणा येथील मनीषकुमार सिंग हे जळगावात आयकर विभागात नोकरीला आहे. २० नोव्हेंबर रोजी ते पत्नी व दोन मुलींसह गावी गेले. चोरट्यांनी त्यांच्या घराच्या दरवाजाचे कुलूप चोरी केली. कपाटातील चार ग्रॅम वजनाचे कानातील टोंगल, तीन ग्रॅम वजनाची सोन्याची अंगठी, एक ग्रॅमचे पेंडल, असे एकूण ४८ हजार रुपयांचे सोन्याचे दागिने चोरून नेले. २६ नोव्हेंबर रोजी सिंग यांचा मित्र झाडाला पाणी देण्यासाठी गेला त्यावेळी त्याला घराचा दरवाजा उघडा दिसला. त्याने याविषयी सिंग यांना माहिती दिली. ८ डिसेंबर रोजी ते गावाहून परतल्यानंतर त्यांनी रामानंदनगर पोलिस ठाण्यात फिर्याद दिली. त्यावरून अज्ञात चोरट्याविरुद्ध गुन्हा दाखल करण्यात आला आहे. पुढील तपास पोहेकॉ जितेंद्र राठोड करीत आहेत.
