जळगाव शहरातील वाघ नगर परिसरातील घटना
जळगाव (प्रतिनिधी) :- शहरातील वाघ नगर परिसरातील महिलेने पती व मुले घरी नसताना राहत्या घरी गळफास घेऊन आत्महत्या केल्याची धक्कादायक घटना शुक्रवारी दि. २९ ऑगस्ट रोजी सकाळी १० वाजता उघडकीस आली आहे. याप्रकरणी जळगाव तालुका पोलीस स्टेशनला अकस्मात मृत्यूची नोंद करण्यात आली आहे.
चंद्रकला अरुण निकम (वय ३५, रा. नवजीवन कॉलनी, वाघ नगर परिसर, जळगाव) असे मयत महिलेचे नाव आहे. त्यांच्या पश्चात पती, २ मुले असा परिवार आहे. त्यांचे पती अरुण हे कारपेंटर असून त्याचवरच त्यांचा उदरनिर्वाह चालतो.(केसीएन)शुक्रवारी सकाळी पती अरुण निकम हे कामावर निघून गेले. तर लहान मुले हे शाळेत गेले. यानंतर घरात गळफास लावून घेत चंद्रकला निकम यांनी आत्महत्या केली. शेजारील नागरिक जेव्हा चंद्रकला निकम यांना घरी भेटण्यास गेले तेव्हा घटना उघडकीस आली.(केसीएन)ग्रामस्थांनी त्यांच्या पतीला माहिती दिली. यानंतर मृतदेह शासकीय वैद्यकीय महाविद्यालय व रुग्णालयात दाखल केले असता तेथे वैद्यकीय अधिकाऱ्यांनी तपासून मयत घोषित केले. यावेळी कुटुंबीयांनी मन हेलावणारा आक्रोश केला. या घटनेप्रकरणी जळगाव तालुका पोलीस स्टेशनला अकस्मात मृत्यूची नोंद करण्यात आली आहेत.
