'मजिप्रा' च्या सेवानिवृत्त अभियंत्यांची गळफास घेऊन आत्महत्या

जळगाव शहरातील सुंदर मोतीनगर येथील घटना

जळगाव (प्रतिनिधी) :- शहरातील वाघ नगर परिसरातील सुंदर मोतीनगर येथे महाराष्ट्र जीवन प्राधिकरण येथून सेवानिवृत्त झालेल्या अभियंत्यांनी गळफास लावून घेत आत्महत्या केल्याची धक्कादायक घटना शनिवारी दि. २६ जुलै रोजी दुपारी १ वाजेपूर्वी घडली आहे. याप्रकरणी जळगाव तालुका पोलीस स्टेशनला अकस्मात मृत्यूची नोंद करण्यात आली आहे.

सुपडू गुलाब तडवी (वय ६१, रा. सुंदरमोती नगर, जळगाव) असे मयत इसमाचे नाव आहे. ते पत्नी, मुलगा, मुलगी यांच्यासह राहत होते. महाराष्ट्र जीवन प्राधिकरण येथून २०२३ रोजी अभियंता पदावरून सेवानिवृत्त झाले होते. शनिवारी सकाळी घरी कोणी नसताना त्यांनी राहत्या घरी गळफास लावून घेत आत्महत्या केली. कुटुंबियांना माहिती कळताच त्यांनी हंबरडा फोडला.(केसीएन)सुपडू तडवी यांना शासकीय वैद्यकीय महाविद्यालय व रुग्णालयात दाखल केले असता तेथे वैद्यकीय अधिकाऱ्यांनी तपासून मयत घोषित केले. यावेळी रुग्णालयात कुटुंबीयांनी मन हेलावणारा आक्रोश केला. सुपडू तडवी यांच्या आत्महत्येमागील कारण अस्पष्ट आहे. घटनेप्रकरणी जळगाव तालुका पोलीस स्टेशनला अकस्मात मृत्यूची नोंद करण्यात आली आहे.