जळगाव तालुक्यात मोहाडी येथील घटना
जळगाव (प्रतिनिधी) :- तालुक्यातील मोहाडी येथील तरुणाने राहत्या घरात गळफास घेऊन आत्महत्या केली. ही घटना १३ रोजी रात्री उघडकीस आली. याप्रकरणी एमआयडीसी पोलीस स्टेशनला अकस्मात मृत्यूची नोंद करण्यात आली आहे.
मंगल शालिक सपकाळे (३१, रा. उन्मेश पार्क) असे मयत तरुणाचे नाव आहे. त्यांची पत्नी खालच्या मजल्यावर नातेवाईकांशी बोलत असताना वरच्या खोलीमध्ये जाऊन तरुणाने गळफास घेतला. दोर तुटून तरुण खाली कोसळला व मोठा आवाज आल्याचे शेजारच्याने मंगल सपकाळे यांच्या पत्नीला सांगितले. त्या वेळी त्यांनी वरील खोलीमध्ये जाऊन पाहिले असता ही घटना समोर आली. त्यानंतर तरुणास शासकीय वैद्यकीय महाविद्यालय व रुग्णालयात दाखल केले असता डॉक्टरांनी मयत घोषित केले. या घटनाप्रकरणी एमआयडीसी पोलिस ठाण्यात अकस्मात मृत्यूची नोंद करण्यात आली आहे.
