पोलीस ग्राउंडवर अश्रुधुराच्या नळकांड्या फोडल्यामुळे दुर्घटना ?
काहींना झाल्या उलट्या, २ ते ३ दवाखान्यात दाखल
जळगाव (प्रतिनिधी) : जळगाव शहरात संध्याकाळी शिवतीर्थ चौक ते स्टेडियम परिसरात असणाऱ्या नागरिकांना व वाहनधारकांना अचानक डोळ्यांना चुरचुर होउ लागली. यामुळे भीतीचे वातावरण निर्माण झाले आहे. घटनास्थळी अग्निशमन दल कारणांचा शोध घेत आहे. तर दुसरीकडे पोलीस मैदानावर काही अश्रुधुराच्या नळकांड्या फोडल्या गेल्यामुळे हि घटना झाल्याची प्राथमिक माहिती आहे. आ. राजूमामा भोळे यांनी माहिती मिळताच, महापालिका प्रशासनाला उपाययोजना करण्याच्या सूचना दिल्या आहेत.
संध्याकाळी ५ वाजता काही सरकारी कार्यालये सुटतात. तर काही विद्यालये हे देखील याच वेळी सुटतात. नेमके याचवेळी शिवतीर्थ मैदान ते स्टेडियम परिसरात अचानकच नागरिकांच्या डोळ्यात चुरचुर होण्यास सुरुवात झाली.(केएचएन)तर काहींना असह्य त्रास होऊ लागला. प्रत्यक्षदर्शींच्या म्हणण्यानुसार, लहान मुलांना उलट्या झाल्या. तत्काळ वाहनधारकांनी त्यांची लहान मुले घेऊन रिंगरोड कडील रस्ता कसाबसा पकडला.
मात्र घटनेची माहिती मिळताच काही काळ मनपा प्रशासनाकडून रस्ता बंद करण्यात आला. आ. राजूमामा भोळे यांनी माहिती मिळताच घटनास्थळी भेट दिली. त्यांनी महापालिका प्रशासनाला उपाययोजना करण्याच्या सूचना दिल्या. अग्निशमन दलाने तातडीने वायू कुठून लीक झाला आहे याची तपासणी सुरु केली. तर दुसरीकडे २ ते ३ दमा, मधुमेह असणाऱ्या रुग्णांना चक्कर आल्याने रुग्णवाहिकेतून खाजगी रुग्णालयात दाखल करण्यात आले.(केएचएन)तर एका डोळ्यांच्या डॉक्टरांनादेखील याबाबत त्रास झाल्याची माहिती मिळाली आहे.
दुसरीकडे, पोलीस ग्राउंडवर मॉकड्रील सुरु होते. त्या मॉकड्रीलमध्ये अश्रुधुराच्या नळकांड्या फोडल्यामुळे हा वायू हवा व उष्णतेमुळे हवेत पसरला. आणि हवेचा रोख हा स्टेडियमकंदील दिशेने असल्यामुळे वायू हा स्टेडियम ते शिवतीर्थ मैदानाकडे गेला अशी प्राथमिक माहिती अग्निशमन दलाच्या तपासातून समोर येत आहे.(केएचएन)डोळ्यांना चुरचुर झाल्यास चोळू नये, थंड पाण्याने डोळे स्वच्छ करा. जर त्रास कमी झाला नाही, तर डॉक्टरांना भेटणे आवश्यक आहे. शासकीय रुग्णालयात तत्काळ उपचार मिळेल, अशी माहिती सिव्हिल हॉस्पिटलचे वैद्यकीय अधीक्षक डॉ. धर्मेंद्र पाटील यांनी दिली आहे.
