जळगाव शहरातील चौघुले प्लॉट येथील घटना
जळगाव (प्रतिनिधी) : शहरातील चौगुले प्लॉट येथील रेल्वेलाईनजवळ महावितरणच्या विजेच्या तारांच्या धक्का लागल्याने एका २१ वर्षीय तरुणाचा जागेवरच मृत्यू झाल्याची धक्कादायक घटना मंगळवारी दि. ८ एप्रिल रोजी सायंकाळी ५ वाजेच्या सुमारास घडली आहे. यासंदर्भात शनिपेठ पोलीस ठाण्यात अकस्मात मृत्यूची नोंद करण्यात आली आहे.
योगेश रघुनाथ डोंगर (वय २१ रा. गवळीवाडा, तांबापुरा) असे मयत तरुणाचे नाव आहे. त्याच्या पश्चात आई-वडील आणि दोन लहान बहिणी असा परिवार आहे. बांधकामाचे काम करून तो कुटुंबीयांचा उदरनिर्वाह करत होता.(केसीएन)चौगुले प्लॉट जवळील मंगळवारी दि. ८ एप्रिल रोजी सायंकाळी ५ वाजेच्या सुमारास नाल्याजवळून जात असताना रेल्वे लाईनच्या कच्चा रस्त्यावर असलेल्या महावितरणच्या खांब्यावरील तुटलेल्या तारेला त्याचा स्पर्श त्याने त्याचा जागीच मृत्यू झाला.
दरम्यान ही घटना घडल्यानंतर शनिपेठ पोलिसांनी घटनास्थळी धाव घेतली. त्यानंतर पंचनामा करून मृतदेह शासकीय वैद्यकीय महाविद्यालयात दाखल केले. यावेळी वैद्यकीय अधिकारी यांनी तपासून मयत घोषित केले.(केसीएन)यावेळी कुटुंबीयांनी एकच आक्रोश केला होता. संदर्भात शनिपेठ पोलीस ठाण्यात अकस्मात मृत्यूची नोंद करण्यात आली. पुढील तपास पोलीस कॉन्स्टेबल प्रमोद पाटील करीत आहे.
