यावल तालुक्यात पसरली शोककळा
यावल (तालुका प्रतिनिधी) : येथील रहिवासी तथा भालोद, हिंगोणा येथील प्राथमिक आरोग्य केंद्राचे वैद्यकीय अधिकारी डॉ. फिरोज तडवी यांचे रविवारी अल्पशा आजाराने निधन झाले. गोरगरिबांचा डॉक्टर म्हणून त्यांची तालुक्यात ओळख होती. त्यांच्या निधनामुळे तालुक्यावर शोककळा पसरली आहे.
सामान्य आदिवासी कुटुंबात जन्मास आलेले भालोद व हिंगोणा येथील प्राथमीक आरोग्य केन्द्राचे वैद्यकीय अधिकारी डॉ. फिरोज एम. तडवी यांचे अल्पशा आजाराने छत्रपती संभाजी नगर येथील एका खाजगी रूग्णालयात दि. ६ एप्रील रोजी निधन झाले. डॉ. फिरोज तडवी यांचे मुळ गाव हे चोपडा तालुक्यातील लोणी हे होते. ते सेवानिवृत्त मुख्याध्यापक एम. बी. तडवी यांचे जेष्ठ चिरंजिव होते. सरकारी वकील ॲड. राजीव तडवी यांचे मोठे बंधु होते. त्यांच्या पश्चात पत्नी, मुलगा, मुलगी, आई, वडील, भाऊ असे कुटुंब आहे. गेल्या काही दिवसापासून त्यांच्यावर उपचार सुरू होते. त्यांच्या निधनाचे वृत्त कळताच तालुक्यात शोककळा पसरली. डॉ फिरोज तडवी यांनी केलेली निस्वार्थ सेवा व माणुसकी जपणारे कार्य हे सदैव यावलकरांच्या हदयात आहे. सर्वसामान्यांच्या उपचारासाठी अथक परिश्रम घेणारे वैद्यकीय अधिकारी म्हणून त्यांची ओळख होती.
